"Para sa Azthamen!" sigaw ni Sanaya habang nakikipaglaban sa mga rebelde.
Walang takot na sumugod siya sa pulutong ng Rebellion. Hindi na niya inisip na binubuo ito ng iba't-ibang nilalang at iba't-ibang lahi. Ang tanging nasa isip lang niya ay maubos ito. Hindi na siya makapaghintay na matapos ang digmaan sa Azthamen.
"Kapayapaan para sa Azthamen!" sigaw niyang muli habang patuloy sa pagsugod.
Samantala, si Necós, aliw na aliw sa nakikita. Natutuwa rin siya dahil ang Magium-Azthic young Ladynne na mismo ang lumalapit sa kaniya. Si Sanaya na mismo ang kusang lumalapit sa kamatayan nito.
"Hindi matatapos ang araw na ito na hindi kita napapaslang, Asyanna Puerre," sabi nito.
Nagpatuloy si Asyanna sa pagsugod. Pinasok na niya ang tarangkahan ng Karr. Hindi niya naabutan ang mga bihag sa
