"HOY lalaki!"
Hinila niya si Brian papunta sa isang malaking puno sa likod ng kanilang bahay. Nakahanap siya ng tiyempo na nasa labas ito at nasa loob naman ang kaniyang mga magulang at kapatid.
"I miss you!" Hahawak bali sa buhok ni Irish si Brian pero mabilis niyang pinigilan ang kamay nito.
"Ano'ng ginagawa mo dito? At bakit sinabi mo sa kanila na magnobyo tayo?" deretsahang tanong ni Irish. Binabaan niya ang kaniyang boses sa takot na baka may makarinig sa kanila.
"Aren't you happy I'm here?" bagkus ay balik tanong ni Brian. May kislap sa mga mata nito habang pinagmamasdan si Irish na bahagya pang nililipad ng hangin ang buhok.
"Hindi ko alam kung paano ka nakarating dito pero puwede ba umuwi ka na? Bumalik ka na sa Maynila hangga't maaga pa. Gusto ko muna magpahinga. Ayaw ko ma-
