DUMILIM ang mukha ni Brian nang makita kung sino ang kausap ni Irish sa phone nito. Papasok pa lamang sana siya sa kanilang kuwarto nang masilip ito sa loob sa maliit na awang ng pinto. Nawala bigla ang excitement niyang makasama ito. Napalitan ng labis na selos sa kapatid.
"Hindi ka puwedeng lumampas sa unan na ito," sabi ni Irish sabay turo sa mahabang unang nakahati sa hihigaan nilang kama. Nakasiksik ito sa dulo at balot na balot ng kumot.
"Fine!" naiirita niyang tugon.
"Goodnight," sabi ni Irish bago ito tuluyang nagtalukbong ng kumot.
Si Brian naman ay humiga na rin sa kama. Nanibago pa siya dahil hindi kasinglambot ng kaniyang kutson sa mansyon ang kinahihigaan ngayon. Pati ang unan at ambience ng lugar ay nakakapanibago rin sa kaniya. Mukhang mahihirapan siyang makatulog ngayo
