Hindi mo mababago ang nakaraan. Lahat ng desisyon na ginawa mo noon, hindi mo na mababawi pa. At ang mga desisyon na iyon ang magsasabi kung anong klaseng tao ka. Iyan ang mga bagay na natutunan ko. Madalas ko itong marinig na mga payo, pero ngayon ko lang lubos na napagtanto ang katotohanan nito. Kung kailan huli na. Huli na para sa akin. Gaano ko man gustong itama ang maling desisyon na siyang sumira sa pagkakilala sa akin ng pamilya ni Damian, hindi na maaari.
Gusto kong tawagan si Damian. Gusto kong ipaalam sa kaniya ang balak kong pag-uwi sa probinsya, pero pinigil ko ang sarili. Baka kapag narinig ko ang mga sasabihin niya ay hindi ko na magawang umalis. Panay ang agos ng luha ko habang kumukuha ng ilang mga damit ko sa kwarto namin. Bahala na. Saka ko na lang babalikan ang iba kong
