CHAPTER 22
Tinawag na kami isa-isa para tanggapin namin ang aming mga diploma. Si Lola ang kasama kong umakyat sa stage. Pagkatapos kong yumuko ay nahagip ng tingin ko sina Mommy Shantel, Daddy Bradley, Papa Zayn, at Mama Sheine sa pinakadulong bahagi ng gym. Malayo sa amin ngunit natatanaw nila ako. Lihim pa rin pala silang nanood. Iyon nga lang ay minabuti na lang nilang pumuwesto malayo sa akin. Hinayaan ko na lang sila. Kunyari ay hindi ko na lang sila napansin.
Hanggang sa dumating ang oras para sa valedictory address ni Faye. Valedictory Address na sadyang dumurog sa puso ko.
Tahimik kaming lahat ng umakyat siya sa entablado. Naririnig ko na dati kapag nag-eensayo siya ngunit alam kong may idadagdag daw siya sa kanyang mga sasabihin at iyon ang inaabangan namin ni Saira. Baka pasa
