CHAPTER 20
“Iyan ba talaga ang gusto mo?” tanong ni Daddy.
Yumuko na si Mommy.
“Opo. Kahit po sana ngayon lang? Okey lang naman ‘yon di ba?”
"Oo naman, anak. Okey lang ‘yon. Sila ang i-isponsor sa'yo. Sila din ang sasabit ng medalya mo." Garalgal ang boses ni Mommy. May kumislap sa gilid ng kanyang mga mata.
Naghari ang katahimikan.
Uminom ako ng juice.
"So, ano? Hindi na rin ba kami pupunta para panoorin ka?" tanong ni Daddy. Nakita ko ang pamumula ng gilid ng mata. Tinignan ko si Mommy at kitang kita ko na ang tuluyang pinipigilan niyang luha kanina.
Napayuko si Daddy Bradley habang hinahaplos niya ang likod ni Mommy Shantel.
Naghihintay silang dalawa ng isasagot ko.
"Sandali lang naman po yung graduation di po ba? Uuwi din naman po tayo dito. Hindi ba puwedeng maghintay na la
