“Kaya mo pa ba, Faith? Ako na lang ang magdadala ng mga gamit mo.”
Agad na tumaginting ang aking mga tainga pagkarinig ko sa sinabi ni Graeson. Pero pinili ko na lang na huwag mag-react dahil wala namang masama sa sinabi niya, ‘di ba? Nais niya lang na makatulong and there’s nothing wrong with that lalo na’t tatlong araw na kami rito sa gubat.
Yeah, tatlong araw na kaming naglalakad papuntang Cerda. Pero hanggang ngayon ay wala pa rin kaming nakikitang kabahayan. Hindi kaya nagkamali kami ng ruta?
Hindi, hindi. Hindi maaari. Maayos kong sinunod ang nakalagay sa journal ni Darcy. Nakasaad dito na sa loob tatlong araw ay mararating na namin ang Nayon ng Cerda mula sa Leal kapag . . . oh. Hindi ko ‘to naisip, ah.
“Kaya ko ang sarili ko, Grae. Maraming salamat sa iyong pag--aalala,” tugon
