“Sino ka?” tanong ko sa bata habang tahimik na pinagmamasdan ang maamo niyang mukha. Nagtago naman sa likuran ko sila Faith habang palihim na inoobserbahan ang aking kaharap.
Napakunot ang aking noo nang biglang mag-sign language ang bata. Ang sign language na ginagamit niya ay katulad din ng senyas sa pinagmulan kong mundo. Paano ito nangyari? Hindi ako makapaniwala sa nakikita ko.
Marunong akong gumamit ng sign language dahil may free lesson for ASL noon para sa mga guro ng Santa Cruz National High School. Required na sumali ang lahat kaya napilitan akong mag-aral. Hindi ko inasahan na magagamit ko ito ngayon. Hindi ko rin inaasahan na may sign language rin pala sa mundong ito at kapareho pa ng sa ‘min. Marami pa nga akong dapat na malaman tungkol sa Argon.
“Ako ho si Camelia,” paki
