“Ano ang pinagsasabi mo?” May pagbabanta akong tinitigan ng babae pero hindi ako nagpatinag sa kanya. May kailangan akong malaman.
“May kailangan ako sa babaeng ito, Komander,” wika ko na hindi inaalis ang mga mata sa posibleng ina ni Grae. Agad naman siyang pinalibutan ng mga kasamahan ko bago pa siya makatakas.
Napuno ng takot ang mukha ng babae nang makita ang seryoso kong itsura. Wala akong intensyon na takutin siya pero nangyari na ang nangyari. May gusto lang naman akong malaman sa kanya.
“Ano ang kailangan mo sa ‘kin? Wala akong ginawang masama!” sigaw niya.
“Kung wala kang ginawang masama, ba’t nanginginig ka sa takot?”
“Sino ba ang hindi matatakot sa kalagayan na ito? May sira ba ang ulo mo?” sarkastik siyang napangisi sa ‘kin. Hindi ko na siya kinibo at tahimik na lamang si
