“Alam mo, Austere,” napalingon ako kay Felix, “kumain ka na lang. Gutom lang ‘yan.”
Nanlaki ang mga mata ko nang bigla niyang isubo sa ‘kin ang inihaw na karne na nasa hawak niyang tinidor. Dahil sa gulat ay aksidente ko itong nalunok dahilan para mabulunan ako. Walang hiya ‘tong lokong ‘to!
“Ay, pasensya na!” Natataranta niya akong inabutan ng isang basong tubig habang pinapalo ang aking likod. Agad rin akong uminom sa baso sabay haplos sa leeg ko.
Nang mawala ang bara sa lalamunan ko, pabagsak kong inilapag ang hawak kong baso sa counter saka binato ng matalim na tingin si Felix. Umakto siyang manhid sa mga titig ko habang umiinom sa baso niya kaya napailing na lang ako. Napabuga ako ng hangin bago ko nilingon si Acosta.
“Huwag mo sanang mamasamain, gusto ko lang na makilala ang Koma
