Kunot-noo akong napatingin sa nakasulat sa itaas ng shop na kaharap ko ngayon. Iba ang mga letra na ginamit sa signboard pero nababasa ko pa rin ito nang walang kahirap-hirap. What the heck? Ba’t kami nandito?
“Tavern ba ito?” tanong ko kay Felix, isa sa kasamahan ko. Alam ko na ang pangalan nilang lahat pagkatapos naming magkaharap sa bahay ni Acosta kanina.
“Tavern? Anong tavern, Austere?” Napakunot ang noo ni Felix dahil sa tanong ko.
“Ah, ano.”
Agad akong nag-isip ng pampalit na salita sa tavern para maintindihan niya ako. Magsasalita na sana ako nang bigla na lang kaming akbayan ni Jumbo, ang may pinakamalaking katawan sa pangkat namin. Ibang level ang muscles niya kaya mas mabuti sigurong huwag siyang galitin.
“Ano’ng pinag-uusapan n’yo, ha?” usisa niya. May pag-aalinlangan ko
