الحلقه السابعه و الثلاثون

1717 Words

الحلقه السابعه و الثلاثون من رواية غلطة أخي ??????? يا لها من أيام مضت و عمر مر كلمح البصر حملت بين طياتها احزانها و افراحها و لكنها مرت و مر معها قطار العمر ذكريات حان الآن موعدها لنتذكرها مجددا و تحيي بنا مشاعر قد اندثت منذ أعوام و أعوام و لكنها لا بد ان تنكشف لكي يعرف قدر تلك المراه التي بذلت كل ما بوسعها لتسعد ذاك الطفل الذي أصبح شابا يافعا و رجلا تضج المجالس بطيب ذكره كوثر : اللي لازم تعرفه يا احمد ان انا و هناء امك الله يرحمها قد بعض في السن بالظبط حياتنا كلها سوا و لعبنا مع بعض و لما دخلنا المدرسه كنا في نفس الفصل قاعدين في نفس التخته من سنه اولى ابتدائي لحد ما خدنا دبلوم التجارة كنا بنلبس زي بعض بنتكلم زي بعض مبنخرجش غير مع بعض لدرجة ان في ناس كتير كانوا فاكرينا اخوات مش صحاب كبرنا و حبنا لبعض كبر جوانا كنا بنفرح لفرح بعض مكناش بنسيب بعض لحظه لدرجة ان لو واحده فينا مشيت من غير التانيه يبقى في واحده تعبانه اصل احنا مكنش بيبعدنا عن بعض غير الشديد القوي زي ما بيقولوا صحابنا و أهلنا و جيراننا و كل اللي عارفيننا عارفين اد ايه احنا متعلقين ببعض و من كتر حبنا لبعض اهالينا هما كمان حبوا بعض و بقوا صحاب اوي ذاكرنا و بعد ما خلصنا دبلوم التجارة و نجحنا أبوك عبد الله أتقدم يخطبها و طبعاً كنت انا عارفه الخبر اول واحده هناء : عبد الله اتقدملي يا كوثر كوثر : ألف ألف مب**ك يا قلب كوثر هناء : الله يبارك فيكي يا حبيبتي يا رب و عقبالك تحصليني ان شاء الله كوثر : ان شاء الله يا حبيبة قلبي المهم بقى عاوزين نفكر حنعمل ايه في الخطوبه عاوزين نفرح كده و ننبسط و انا حعزم كل صحابنا بتوع المدرسه عشان ييجوا ينبسطوا معانا هناء : يا حبيبتي يا كوثر ربنا يخليكي ليه و منحرمش منك يا حبيبتي يا رب فضلت معاها خطوة بخطوة من اول يوم خطوبه لحد ما اتجوزوا كل حاجه ليها او للبيت ده اشتريناها سوا فستان الفرح نقيناه سوا انا اللي فارشه الشقه دي بايدي البرواز و الساعه و الفاظه اللي في الصاله بره متعلقين انا اللي جبتهم لها هديه لما اتجوزت هي و ابوك بعديها المفروض كنت انا كمان حتخطب لابن خالي كانوا من و احنا صغيربن يقولوا محمد لكوثر و كوثر لمحمد و انا من كتر كلامهم كنت خلاص ظبطت حياتي على كده لحد ما عرفت فجاة انه خطب واحده زميلته في الجامعه اصله يا سيدي دخل الكليه و قال اني منفعش ليه خلاص هو عاوز واحده تبقى نفس مستواه العلمي و لأنه عاوز واحده تكون في نفس مستواه في التعليم طبعا رفض يتقدملي من أساسه و خطب واحده تانيه ليه يعني هو دبلوم مش شهاده بردو جته الهم هو كمان كان محسس العيله انه حيبقى احمد زويل اهوه بقى حتة موظف لا راح و لا جه جته الهم هو كمان فقري ملوش في الطيب نصيب أحمد : هههههه و الله عسل يا ماما كوثر : ده انت العسل كله يا قلب امك أحمد : و بعدين يا ماما كوثر : وقتها حالتي كانت وحشه اوي و كنت بعيط ليل و نهار و محدش كان بيخفف عني غير امك كانت تيجي و ابوك في الشغل تقعد معايا و تواسيني و تقوللي ان اكيد ربنا شايلي الأحسن سبحان الله ما كنتش تعرف ان الأحسن ده يبقى جوزها لحد الحمد لله ما بقيت احسن من الاول بكتير و عدت الايام و مرت الشهور لحد امك ما حملت فيك و طبعا كنت انا اول واحده اعرف قبل حتى ابوك عبد الله ما يعرف الدنيا مكنتش سايعاها من الفرحه و ابوك حق الله كان طاير من الفرحه طير لدرجة انه جا**ها واحده تخدمها و تعمل الاكل بدالها عشان ميتعبهاش و هي كانت تقول انا حبقى ام البشمهندس أحمد كوثر: ههههههههه انتي خلاص خليتيه ولد و باشمهندس يا نوءة هناء : احساسي بيقوللي كده و انا احساسي عمره ما كدب علية ابدا قلبي حاسس انه ان شاء الله حيكون ولد كوثر : طب و اشمعنى باشمهندس يعني ليه مثلا ميكونش دكتور او عالم ذرة ههههههه هناء : لاء نفسي اوي يبقى باشمهندس زي عمي محمد اللي كل العيله بتتباهى بيه كوثر : ربنا يحققلك كل اللي نفسك فيه يا حبيبتي يا رب و مرت الشهور بس جت في الاخر بقت تعبانه كده و شكلها مش عاجبني و زي ما يكون سبحان الله قلبها كان حاسس و في مرة كنت هنا في الشقه دي و قاعده معاها لقيتها بتكلمني و بتقوللي : مش عارفه ليه يا كوثر قلبي مش مطمن مش مرتاحه كوثر : ليه بس يا نوءة هناء : حسه اني مش حقوم منها يا كوثر كوثر بفزع و خوف شديد : ألف بعد الشر عنك ان شاء الله حتقومي بالف سلامه و حتربي أحمد و حتفرحي بيه هناء : كوثر انا عاوزة اامنك امانه كوثر : خير يا حبيبتي هناء : لو حصللي حاجه تخللي بالك من ابني ده هو ده اللي حيبقى الذكرى الوحيده مني امانه عليكي تسالي عليه و تطمني عليه و متسيبيهوش كوثر : الف بعد الشر عنك يا هناء فال الله و لا فالك ايه الكلام ده حرام عليكي ده الرسول قال بشروا و لا تنفروا و ربنا قال انا عند ظن عبدي بي لازم تستبشري خير و بعدين لا نتي تعبانه و لا عندك حاجه بعد الشر يبقى لبه متولديش و تقومي بالف سلامه لبيتك و جوزك و ابنك هناء : مش عارفه يا كوثر بس ده احساسي و خايفه اوي عبد الله صغير و اكيد لو جرالي حاجه حيتجوز و انا مش عاوزة ابني تربيه مرات اب خللي امي تاخده تربيه عندها كوثر : كفايه بقى و الا و ربنا حقوم امشي الله ايه الكلام اللي انتي بتقوليه ده و انتي عارفه اني مقدرش اعيش من غيرك يا هناء هناء : معلش يا كوثر بس عاوزة اطمن كوثر : و ليه ليه يا حبيبتي خايفه كده ليه هناء : من حالة ساميه بنت خالتي الله يرحمها و اللي بعد ما امها ماتت و ابوها اتجوز بهدلوا البنت و طلعوها من المدرسه و في الاخر جوزوها لواحد معفن مبهدلها و ولا بيسالوا فيها و كأنها ماتت مع امها اليتيم يتيم الأم يا كوثر والعيل لما امه بتموت قيمته بتقل و بيتعامل كأنه ابن ناس تانيين عبد الله طيب و محترم بس انا معرفش ايه اللي ممكن يحصل بعد كده كوثر و هي بتحضنها و تبوسها : متخافيش متخافيش يا حبيبتي ان شاء الله حتقومي بالف سلامه يا هناء و محدش حيربي ابنك غيرك يا حبيبتي قولي يا رب هناء : يا رب يا كوثر يا رب و جت يوم الولاده و انا اللي جهزت معاها الشنطه اللي كان فيها حاجتها و حاجتك يا حبيبي قالتلي متسيبينيش قلتلها و لا انتي تسيبيني و كنت معاها انا و ابوك الله يرحمه و جدتك الله يرحمها و جدك الممرضه : اتفضلي يا حبيبتي البسي الروب و حضري نفسك هناء : هو خلاص الممرضه : ايوة يا حبيبتي الدكتور بيحضر اوضة العمليات و دقايق و حتكوني دخلتي كوثر : تعالي يا حبيبتي اساعدك تغيري و تلبسي الروب هناء و هي ماسكه ايد كوثر : انا خايفه اوي يا كوثر كوثر : متخافيش يا هناء كلنا معاكي يا حبيبتي و ان شاء الله حتخرجيلنا انتي و احمد بالف سلامه عبد الله : مالك بس يا نوءه انا عاوزك تفرحي مش تخافي و تقلقي احنا جينا اتنين و حنرجع تلاته بامر الله هناء : يا رب يا عبد الله يا رب عبد الله امانه عليك لو حصللي حاجه تخللي بالك من ابني يا عبد الله تراعيه و تكبره و تخليه باشمهندس زي ما كنت بحلم عبد الله : ايه الكلام اللي بتقوليه ده بس حرام عليكي توجعي قلبي بكلامك ده انتي ان شاء الله حتخرجيلنا بالف سلامه و حعملك حتة سبوع محصلش هناء : ان شاء الله يا حبيبي الممرضه : يا للا يا حبيبتي الدكتور في انتظارك دخلت امك العمليات و اخدت قلبي معاها كنت واقفه قدام اوضة العمليات حموت من القلق عليها رايحه جايه عماله ادعيلها ربنا انها تقوم بالف سلامه و اول ما خرجت الممرضه بيك كلهم فرحوا اوي لما شافوك انا مبصتش عليك كان كل همي اطمن انها قامت بالسلامه لقيت الممرضه بتقول ان حالتها صعبه و عندها نزيف جامد و الدكتور مش، عارف يوقفه المستشفى اتقلبت و بقوا الدكاترة داخلين طالعين و انا مش مبطله عياط و عماله ادعيلها ربنا لحد ما في الآخر خرج الدكتور و قال لنا : البقاء لله شدوا حيلكم يا جماعه كوثر : انت انت بتقول ايه انت بتتكلم عن مين يا دكتور الكل كان بيعيط و امها بتصوت و عبد الله واخد احمد في حضنه و نازل عياط كوثر : لاء متعيطيش لاء هناء، عايشه الكلام ده غلط مش صح دخلت اوضة العمليات و لقتهم مغطيين وشها بالملايه رفعتها من على وشها : هناء يا هناء قومي يا حبيبتي قومي يا هناء قومي و النبي عشان خاطري و النبي متسيبينيش لاء يا هناء هناء انتي ولدتي يا حبيبتي و جبتي احمد يا للا بقى بصي هو بيعيط برة عاوزك ترضعيه يا للا قومي بقى مش عاوزة استعباط طب انتي مش قلتيلي متسيبينيش انا اهوه معاكي عاوزة تسيبيني انتي بقى ليه هناء يا هناء بصي طيب اسمعيني الدكتور : مينفعش كده يا آنسه اتفضلي اخرجي من هنا و حرام عليكي اللي بتعمليه ده الأفضل تدعيلها هي خلاص راحت للي خالقها مبقتش معانا خلاص و هي أكيد حسه بيكي و سامعاكي بس بقى بيننا و بينها حاجز مش حينفع ترد عليكي طمنيها انتي بس قليلها اي حاجه تريحها طمنيها على ابنها لكن بلاش عياط مش حيفيدها بحاجه ادعيلها ربنا يرحمها و هي ان شاء الله ربنا يحتسبها من الشهداء كوثر : هههههه هههههه انت بتقول خلاص مبقتش في دنيتنا معناه ايه الكلام ده يعني خلاص مش حشوفها تاني يعني هناء ماتت حبيبتي و اختي و صاحبتي ماتت خلاص مش حشوفها تاني مش حقعد معاها نتكلم و نضحك و نهزر لاء يا دكتور لاء و حياة أغلى حاجه في حياتك متقولش ان هناء ، ماتت راح القلب الطيب راح الحضن اللي انا فيه برتاح لاءءءءءءءءءة لاءءءءءة . محاولات شديده لتهدئتها و لكنها بلا فائده و باءت جميعها بالفشل لم يستطيعوا تهدئتها الا بحقنه مهدئه جعلتها تفقد الوعي تماما و تستسلم للا وعي حتى تهرب مما حدث فما أصعب أن يفتقد المرء شخص كان عزيز و غاليا عليه بل و الأصعب اذا كان له كل الحياة والدها ببكاء شديد مفطور على ابنته : انا لله و انا إليه راجعون والدتها : بنتي راحت بنتي ماتت خلاص ماتت من غير ما تشوف بابنها تروح كده في عز شبابها يا حبيبتي يا لنتييا حسرة قلبي عليكي يا ضنايا عيني عليك يا حبيبي يا للي اتيتمت بدري يا رب صبرنا يارب الصبر من عندك انت يا رب ????????

Free reading for new users

Scan code to download app

App Store Google Play

Facebookexpand_more