الحلقه السادسه و الثلاثون

2063 Words

الحلقه السادسه و الثلاثون من رواية غلطة أخي ???????? لا يستطع احمد التحدث أمام نظرات عينيها التي تشعل قلبه بنيران الهوى فقط يريد الهروب من هنا يريد الإبتعاد سريعا حتى يصبح بامكانه التنفس فلقد استاثرت بانفاسه قبضتها بيديها لتصبح ملكا لها هي فقط من لديها القدرة على التحكم في سريان الهواء بين ضلوعه و في ص*ره يريد ان يوقف دقات قلبه التي ستخرج من بين ضلوعه و تشق ص*ره لتعلن الحرب عليه و التمرد على ذاك العصيان يقرر الاستئذان و الرحيل من أمامهم و لكن يتحدث اليه حمدي حمدي : تمشي تروح فين يا احمد انت حتتغدى معانا أحمد : اتغدى معاكم لا و الله مينفعش يا عمي بالف هنا و شفا ليكم حمدي : نعم و ده ليه بقى ان شاء الله انت كبرت علينا و اللا ايه يا باشمهندس أحمد : يا خبر حضرتك بتقول ايه بس يا عمي ما نا متربي عندكم بس ماما و الله مبترضاش تاكل و لا تحط لقمه في بؤها غير و انا معاها انا اصلا كنت حاجيلكم بالليل بس اعمل ايه ايمن طول الليل يزن فوق دماغي ده كان عاوزني اصلي الفجر و اجيلكم مصطفى : مجنون اقسم بالله صاحبي اتهبل حمدي : بقولك ايه متتعبش قلبي طنطك ام مصطفى بتحضر الغدا في المطبخ و لو عرفت انك مشيت من غير ما تستنى تتغدى معانا حتعملنا مشكله و انا يا بني مبقتش حمل للمناهده تخرج شريفه من المطبخ : يا للا يا تقى تعالي حضري معايا السفرة حمدي : الحقي يا شريفه احمد عاوز يمشي شريفه : نعم هو مين ده اللي يمشي لا و ربنا ما حيحصل حتتغدى معانا يعني حتتغدى معانا أحمد : ايوة بس ماما شريفه : انا حكلمها و اقولها تتغدى هي و الفالح ايمن و تسيبك انت لينا النهارده ده انت واحشني اوي يا احمد يقعد معاهم احمد على السفرة و شريفه تحط ادامه الاكل و تقطع له أحمد : كفايه يا طنط ده كتير اوي و الله شريفه : كتير ده ايه ده انت تعبان وشقيان مش، شايف مصطفى بياكل شبه ا****ر كده ازاي مصطفى : لا حول و لا قوة ابا بالله يا ربي و مالكم بمصطفي بس، أحمد : الله ورق العنب ده حلو اوي تقى بفرحه : بجد يا ابيه احمد عجبك ورق العنب أحمد : اه و الله طعمه ما شاء الله حلو اوي شريفه : اصلها هي اللي عاملاه يا سيدي أحمد : تسلم ايدك يا تقى تقى : ربنا يخليك يا ابيه يا رب شريفه : يا للا عشان تبقى تغذي الاستاذ أيمن كويس تقى بتلقائيه : انا حعمل لأيمن كل الاكل اللي بيحبه يشعر احمد بأن الطعام يقف في حلقه و لا يستطيع التحدث فقط يكتفي بالحديث إليهم و هو يحاول ان يهرب بعينيه بعيدا عنها يتحدثون جميعهم في عدة موضوعات حتى ينتهون من غدائهم يخلص اكل و يقعد معاهم يشرب شاي و بعد كده يخرج من عندهم يمشي و هو تايه و قلبه واجعه أوي و اللي واجعه اكتر انه لازم يخبي و يداري مشاعره حتى على نفسه كمان هو حبه اللي اتبنى في سنين مش ممكن يتهد فى لحظه و لا بين يوم و ليله غصب عنه مش بايده نار حبه لتقى بتشتعل كل ما عينه بتقع عليها قلبه بيوجعه أوي و مبيلومش غير نفسه يلاقي أيمن بيتصل بيه قلقان و عاوز يطمن و بعد ما أحمد طمنه و طبعا ايمن كان فرحان جدا و الدنيا مش سايعاه من الفرحه أيمن : ربنا يخليك ليا يا حبيبي يا اخويا يا رب أحمد : حبيبي يا ايمن ربنا يفرح قلبك يا حبيبي يا رب ????????? كان حاسس انه مخنوق و الدموع مغرقه عنيه مش عارف يروح فين و مش عاوز يرجع البيت لقى نفسه بيركب العربيه و يروح يقف قصاد النيل مش عاوز يشوف و لا يسمع حد محتاج يكون مع نفسه بيفكر و بيتكلم مع نفسه يا ترى حعمل ايه لما تبقى عايشه معانا في بيت واحد و تبقى قدامي كل يوم يا ترى حستحمل اني اشوفها هي و ايمن مع بعض يا ترى حقدر استحمل و انا سامع صوتهم و هما بيضحكوا و يهزروا مع بعض يا رب قويني يا رب انا مش قادر و الله غصب عني مش بأيدي انت العالم بحالي يا رب يتفاجا بمن يضع يده على كتفه : هون على نفسك يا بني كله بيعدي يلتفت ليجد امرأة كبيرة السن و لكن يبدو عليها الطيبه و الحنان متاخذنيش يا بني اني قاطعت تفكيرك بس انا شفتك و انت واقف و شفت دموع عينيك و انت بتمسحها بايدك حسيت انك في ضيقة و اوقات كتيرة بنبقى على اد ما بنكون موجوعين على اد ما بنكون محتاجين ايد تطبطب علينا و تقولنا معلش أحمد : قلبي واجعني أوي يا امي المرأة : سلامة قلبك يا بني مفيش حاجه تستاهل وجع قلبك ده كله بيعدي أحمد : لاء تستاهل و تستاهل أوي كمان بس انا اللي بغبائي و بسكوتي ضيعتها من ايدي فضلت مخبي اللي جوايا عن نفسي و عن الدنيا كلها لحد ما راحت من ايدي و بقت ملك لحد تاني غيري و انا اللي بايدي سلمتها ليه المرأة : ما دامت راحت لغيرك تبقى مش نصيبك يا بني الا انت اسمك ايه صحيح أحمد : أحمد المرأة : الله اسمك جميل اوي عاشت الاسامي يا أحمد طب هو ينفع بردو يبقى اسمك احمد و متحمدش ربنا أحمد : انا طول حامد ربنا على كل شئ بس ازاي ححمده على حاجه بحبها و كان نفسي فيها اوي كان نفسي تكون لية و عمري ما تخيلت و لا جه في بالي في يوم من الايام انها ممكن تكون لحد تاني و متكنش لية و مين الحد التاني اللي اخذها اقرب الناس لية حبيبي و كل دنيتي أنا تعبان اوي تعبان و مش قادر استحمل بحاول اضغط على قلبي بحاول اسكته عشان محدش يسمع صوته و هو بيصرخ من عز وجعه بحاول اقوله بس اخرس خالص احسن حد يحس بيك بحاول اطبطب عليه و اقوله معلش حتعدي لكن غصب عني مش قادر امنع نفسي من التفكير مش قادر امنع قلبي من الحزن مش بأيدي و الله مش بأيدي حاسس اني عاوز اصرخ و افضل اصرخ عاوز ا**ر كل شئ يقع قصاد عيني يمكن ارتاح و ناري تبرد شويه المرأة : بص يا أحمد الحاجه اللي اتمنتها و مجتلكش لازم تؤمن انها ما دامت مجتش تبقى مش نصيبك يا بني و ما دامت راحت لغيرك تبقى مش ليك و لا مكتوبالك اللي في نصيبك حيصيبك اوعى تزعل نفسك على حاجه راحت منك يا عالم لو كانت جتلك كان حيحصلك ايه و اوعى تحزن على رزق ما جالكش ما هو كل حاجه رزق الرزق مش فلوس بس الرزق صحه و علام و ولاد و صحاب كويسين و اهل طيبين و زوجه صالحه كل ده رزق و من كان رزقه على الله فلا يحزن و كمان في كلمه بحبها اوي بتقول علمت ان رزقي لن يأخذه غيري فاطمئن قلبي يبقى اطمن و ارتاح و ريح قلبك من الوجع و سيبها على الله و ارمي حمولك على ربنا و قول يا رب ده مفيش احن و تأكد ان لو الحاجه دي ليك فيها نصيب حتجيلك و حتيجي لحد عندك من غير ما تجري وراها و لا تدور عليها و متقولش ازاي مستحيل ده ربك اللي بيدبر و بيسبب الأسباب عشان كل حاجه تحصل زي ما كاتب عنده و يا عالم ده ربك هو اللي بايده كل شئ بتبقى في بؤك و بتقسم لغيرك يا احمد يا بني و لو مجتش نحمد ربنا بردو و ندعيه انه يعوضنا خير ده ربنا عنده خير يا ما اوي و بيعوض و الله بيعوض و و ساعتها يمكن انت نفسك تحمد ربنا انك ما اخدتش اللي اتمنيته و تحمد ربنا على اللي اداهولك أحمد : كلامك ريحنى أوي يا امي المرأة : ربنا يريح قلبك يا رب و بكتبلك الخير و السعاده احمد : تعالي اتفضلي معايا اوصلك اي مكان تحبيه المرأة : شكرا يا احمد ربنا يكرمك يا رب انا اصلي متعوده اجي هنا على طول بحب اجي اقعد ادام النيل و اكلمه برتاح اوي و اروح و انا لسه جايه و ملحقتش عاوزة اقعد معاه شويه اتوكل انت على الله و خللي بالك من نفسك يا احمد احمد : اتمنى اني اشوفك تاني المرأة : كل شئ نصيب و اللقا نصيب و لو لينا نصيب نشوف بعض تاني حنشوف بعض يسيبها احمد و يروح يركب عربيته عشان يرجع و على اد ما هو موجوع بس مش عارف ليه كلام الست دي ريحه كتير و قرر انه حيحاول ينسى حيحاول يمنع نفسه من التفكير و حيحاول يصبر لحد ما ربنا يحلها من عنده يمسح دمعه نزلت غصب عنه على خده و بدا يكلم نفسه و يطبطب على روحه : اهدى يا احمد اهدى و سيبها على ربنا ربك قادر على كل شئ و انت متعرفش الخير فين انت عمرك ما ظلمت حد و لا جيت على حد يبقى لازم تتأكد ان ربنا حينصرك و يقف جمبك و ياخد بايدك لحد ما توصل لبر الأمان. ??????? في اليوم التالي تدخل كوثر على أحمد غرفته لتوقظه من نومه فتجده جالسا على الفراش يستعد للقيام : صباح الخير يا حبيبي أحمد : صباح الفل يا ست الكل كوثر : ايه يا حبيب امك النوم ده كله اول مرة تطول في النوم كده أحمد : اصلي سهرت شويه كوثر : عارفه سامعاك و انت بتكلم عبد العزيز في التليفون ربنا يريح قلبه يا رب أحمد : يا رب يا أمي يا رب كوثر : و يريح قلبي من ناحيتك انت كمان يا ضنايا يا رب أحمد : ربنا يخليكي لية يا امي يا رب امال امنيه مش سامع صوتها هي مش هنا كوثر : لا يا حبيبي راحت عند مها عشان حينزلوا هما و معاهم تقى يشتروا هدوم للكليه أحمد : ربنا يوفقهم أن شاء الله و أيمن نزل راح البنك كوثر : ايوة يا حبيبي بعد ما غلبني في الصحيان بيقوللي طول الليل منامش من فرحته ان حيكتب كتابه أحمد : يا حبيبي يا اخويا ربنا يكرمه و يكمل فرحته على خير ان شاء الله كوثر : و يكرمك يا احمد يا رب و يعللي مراتبك كمان و كمان أحمد : اكتر من كده يا ماما كوثر : و اكتر بكتير كمان يا حبيبي ربنا يجعلك احسن واحد في الدنيا كلها يا رب أحمد : انا فعلا بقيت احسن واحد بوجودك جمبي و دعواتك لية يا ست الكل كوثر : لا يا حبيب امك انت بقيت احسن واحد بتعبك و بمجهودك أحمد : تعبي و مجهودي ميجيش حاجه جنب اللي عملتيه معايا و وصلني لكل اللي وصلتله انا من غير وجودك في حياتي كان زماني دلوقتى الله اعلم فين ماما انا متشكر اوي عشان كل حاجه حلوة عملتيهالي انا لولاكي مش عارف كان حيحصللي ايه و لا كنت حبقى فين دلوقتي و الله اعلم اذا كنت كملت تعليمي و اللا لاء كوثر : اخس عليك يا احمد كده بردو قلبك يطاوعك تقول كده هو في ولد يشكر أمه على اللي عملته معاه ده واجبي ناحيتك و حقك علية يا بني انت ابني يا أحمد صحيح مش انا اللي خلفتك لكن انا اللي ربيتك و كبرتك لحد ما بقيت راجل اد الدنيا طول عمرك رافع راسي بين الناس وقفت جمب ابوك في شدته كنت ليه السند و الضهر لحد ما قابل وجه كريم أنا اخدتك في حضني من و انت لسه عندك يومين يومين بالعدد صحيح مرضعتكش من ص*ري لكن رضعتك حبي و حناني و خوفي عليك انت روحي يا احمد انت النفس اللي لما بيخرج مني بستناه يرجعلي عشان اعرف اعيش احمد : عارف يا امي عارف انا ايه عندك ماما ممكن اسالك عن حاجه كوثر : اسأل يا ضنايا اسأل يا نور عينيه أحمد : انا عرفت انك انتي و ماما الله يرحمها كنتم صحاب مش كده كوثر : يا حبيبي انا و امك هناء الله يرحمها كنا اكتر من الاخوات كنا صحاب اوي من يوم ما وعينا على الدنيا و عنينا فتحت عليها و احنا اخوات مفيش حاجه فرقت بيننا غير موتها الله يرحمها أحمد : ماما ممكن تحكيلي كل حاجه انا مسالتكيش و لا سألت حد قبل كده لكن انا كبرت و نفسي اعرف و افهم كل حاجه انا كل اللي اعرفه ان ماما ماتت و هي بتولدني و ان بابا الله يرحمه اتجوزك و حضرتك ربيتيني لكن انا عاوز افهم كل حاجه ممكن يا ماما عاوزة اعرف ماما ليه ماتت و هي بتولدني و ازاي حضرتك اتجوزتي بابا الله يرحمه كوثر و هي بتمسح دموعها : ياااه يا احمد حترجعني لسنين طويله عدت و مرت علية حتعيد علية الوجع تاني يا بني و تجدد الأحزان اللي ما صدقت انها اندفنت مع الايام و السنين أحمد بلهفه عليها : انا اسف يا أمي اسف يا حبيبتي حقك علية خلاص انا مش عاوزة اعرف حاجه كوثر و هي بتمسح دموع عينيها اللي ملت وشها : لا يا حبيبي ده حقك انك تعرف يا احمد حاضر يا حبيبي حقولك عشان تعرف كل حاجه و خصوصا انك خلاص كبرت و بقيت راجل و تقدر تفهم و تقدر الأمور ????????

Free reading for new users

Scan code to download app

App Store Google Play

Facebookexpand_more