الحلقه السادسه و العشرون

1133 Words

الحلقه السادسه و العشرون من رواية غلطة أخي بقلمي : عبير سليم ??????? تهم أمينه بالقيام من مكانها حتى تلحق بأداء صلاتها و لكن يستوقفها حامد حينما يسالها عن ابنهم عبد الرحمن : جوليلي يا أمينه هو عبد الرحمن مجليكيش حياجي ميته اني برن عليه من بدري و تلفونه مجفول أمينه : اطمن يا حاج هو لسه متصل بية وجت الضهر و جالي انه بيخلص اوراج تعيينه و ان المكان اللي هو فيه مفيهوش، شبكه و هو يومين و جاي بالسلامه ان شاء الله حامد : و الله يا أمينه اني ما عارفش كيف حتحمل بعاده في مصر بعيد عننا أمينه : مش مستجبله يا حاج حجتك تفرح و تفتخر بيه دي ولدك حيبجى معيد في الكلية و مش أي كلية دي كلية الطب ادعيله ربنا يوفجه و يعللي مراتبه كمان و كمان ده اني الدنيا مش سايعاني من الفرحه و الكل بيجوللي يا ام الدكتور حامد : ربنا معاه يا رب و يعللي مراتبه كمان و كمان و الله اني كمان زيك بالظبط بحس ان راسي مرفوعه للسما و الكل بيجللي يا ابو الدكتور عالجليله عوضنا عن اخوه عبد الوهاب اللي محيجيلناش منيه غير وجع الجلب ديه غير انه مكملش تعليمه من الأساس بس مش بيدي يا أمينه غيابه حيجطع فية جوي ديه مريحني و ميجوليش غير حاضر يا بوي اني بس مفيش حاجه بس مزعلاني منيه غير لغوة بلدنا اللي اول ما بيجعد مع زمايله الدكاترة بينساها و بيتكلم كيف اهل مصر أمينه : يا ربي عليك يا حامد يا واد عمي مش هو تعليمه كان هناك و كان بيجعد هناك كتير عايزه يتكلم صعيدي لاجل يتريجوا عليه إياك حامد : كيف يعني يتريجوا عليه انتي اتخبطتي في مخك عاد و اللا ايه ده الدكتور عبد الرحمن حامد المنياوي و وكيل ربه ما في حد في الكليه كلياتها يساوي ضافره أمينه : طبعاً و هو في حد زي الدكتور عبد الرحمن ربنا يكرمه و يفرحنا بيه يا رب حامد : يا خوفي لتلف عليه واحده من بنات مصر و تاكل عجله بكلمتين و انتي عارفه ابنك طيب و ينضحك عليه مش كفايه انه لما يتجوز حيعيش في مصر يبجى على الاجل يتجوز واحده من اهنيه من الصعيد على الاجل نطمن عليه أمينه : بجولك ايه سبب الواد يختار اللي يختارها ملناش صالح اد*ك شايف اهوه احنا اللي اختارنا هند لعبد الوهاب و جلنا بنت اخوي و حتحبه و كانت جوازه ما يعلم بيها الا ربنا لا هي فاهماه و مريحاه و لا هو طايجها فمتشغلش بالك بيه يا للا اما الحج اصلي العصر جبل ما يفوتني تقوم امينه عشان تصللي العصر و حامد قاعد مكانه و سجده زي ما هي على رجله سجده : جدي يا جدي حامد : نعم يا جلب جدك من جوة سجده : عايزة كيكه حامد : يا زينب انتي يا بت يا زينب زينب : ايوة يا حاج حامد حامد : هاتي كيكه من عند*كي بسرعه لسجده زينب : حاضر و هو احنا عندنا اغلى من سجده اياك دي اميرة الدار تعالى معاي يا حبيبتي حامد : لا هاتيها هنيه و اني اللي حاكلها يمسح بيده على شعرها الحريري و يتحدث إليها : تعرفي انك شبه تجى بنت اخوي كتير ايوة ما نتوا الاتنين اصلكم شبه امي الله يرحمها و تعرفي ان يوم ولادتكم انتوا الاتنين كنت مضايج جوي ايوة ماني الصراحه مبحبش خلفة البنات واصل بس اني فاكر كلمه جالهالي حمدي يوميها جالي عشان انت معندكش بنات و هو فعلا كان عنديه حج يا سجده انتي اول ما جيتي مكنتش طايج حتى ابص في وشك لكن سبحان الله اول ما اتحايلوا علية اشيلك و شفتك جدام عيوني محبتك نزلت في جلبي و مبجاش عندي اغلى منيكي لكن على جد حبي ليكي على جد ما حيكون عجابي ليكي شديد لو مصنتيش محبتي دي يا بنت ابني يا غاليه كانت سجده تنظر اليه و هو يتحدث إليها بوجه باسم و ضحكتها الجميله تلمع في عينيها الملونه دون فهم لما يقصد حامد : انتي بتضحكي يا سجده شكلك ما فاهماش حاجه من كلامي واصل بجولك ايه تعالي نطلع انا و انتي برة نشم شوية هوا في الجنينه ياخدها جدها و يخرجوا يقعدوا في وسط الزرع و يشموا ريحته الجميله بينما تمسك هند ببطنها و تصعد إلى غرفتها و هي تدعو الله ان يريح قلبها و يصلح حالها مع زوجها و تتذكر كيف كانت تعشقه و هي طفله صغيرة و تتمنى ان يأتي اليوم الذي يصبح فيه لها و عندما اصبحت معه لا تقدر على امتلاك قلبه تضع يدها على بطنها و تتحدث الى صغيرها : اوعاك تطلع جاسي زي ابوك و تهملني يا حبيبي نفسي انت و اخواتك تعوضوني عن جسوة ابوكم بحنيتكم علية اني مبشوفش منيه حنيه مبشوفش غير جسوة و بس تعبت منيه و من معاملته و لولا خوفي عليكم كنت سيبت البيت و طفشت منيه و من عمايله فية ربنا يجعلكم حنينين علية يا حبايبي يا رب ???????? تتحدث كوثر إلى جيهان في التليفون لتخبرها بخطوبة ايمن لتقى و تدعو الله لبناتها أن يرزقهم الله الأزواج الصالحين جيهان : ألف مب**ك يا كوثر عقبال ما تفرحي باحمد و امنيه يا حبيبتي كوثر : تسلميلي يا جيهان يا رب و عقبال سمر كده ان شاء الله هي و اختها سلمى يا حبيبتي جيهان : ان شاء الله تغلق معها الهاتف لتجد ابنتها سلمى منهمرة من البكاء بشده و لما لا تبكي و قد كبرت على الدنيا و هي تعتقد كل الاعتقاد و تؤمن بأن ايمن سيكون لها هي دون غيرها جيهان : في ايه يا سلمى مش، كفايه عياط بقى يا حبيبتي سلمى بعياط: كان نفسي أيمن يخطبني يا ماما يخطبني انا يعني هي تقى دي احسن مني في ايه بقى ميرضاش يخطبني انا و انا في كلية الصيدله و يروح يخطبها المعفنه دي اللي يادوب معاها معهد بالعافيه جيهان : نصيب و كل واحد بياخد نصيبه يا سلمى سلمى : بس انا جيهان : انتي ايه يا سلمى هاه انتي الدكتورة سلمى انتي فاهمه و اللي ميعوزكيش انتي ما تفكريش فيه اصلا فين كرامتك و عزة نفسك انا صحيح منكرش اني كان نفسي ان ايمن يخطبك لكن مش عشان غير انه ابن عمك و عارفينه و عارفين اخلاقه كويس لكن ما دام هو مش عاوزك يبقى مع السلامه و ربنا يسهله و انتي مش شويه و لا قليله عشان تعملي في نفسك كده انتي جميله و صغيرة و مؤدبه و محترمه و ابوكي سمعته زي الفل يبقى بكرة يجيلك اللي يستاهلك و يحبك و يقدرك فاهمه و اللا لاء تدخل سمر على صوتهم : في ايه يا ماما مالكم صوتكم عالي ليه سلمى انتي بتعيطي ايه اللي حصل سلمى : أيمن خطب تقى سمر : أيمن ابن عمك خطب تقى جيهان : أيوة عندك مانع سمر : لا و انا مالي بس انا كنت فاكرة انه حيخطب سلمى جيهان : و مخطبهاش نعمل ايه بقى سمر : خلاص يا سلمى متزعليش نفسك يا حبيبتي بكرة يجيلك اللي أحسن منه أن شاء الله روقي كده و متزعليش نفسك هو كان يطول ياخدك فكك منه مع الف سلامه انا حدخل اغير هدومي و اجيلكم على طول ماما ممكن تجهزيلي الاكل عشان انا جايه واقعه من الجوع ♥️♥️♥️♥️♥️♥️♥️

Free reading for new users

Scan code to download app

App Store Google Play

Facebookexpand_more