رواية غلطة أخي

الحلقه الأربعون

الحلقه الأربعون من رواية

غلطة أخي

♥️♥️♥️♥️♥️♥️♥️

بعد ما احمد عرف حكاية أمه هناء مع أمه كوثر و فهم اد ايه الست دي عظيمه حاول بكل جهده و قوته انه لازم يسعدها و يفرحها و يردلها و لو جزء بسيط من جميلها عليه و اكتر شئ ممكن يسعدها بيه انه يقف مع اخواته غي فرحهم و يكون ليهم الاب و السند

تمر الأيام و يسيب تقى و أيمن يختاروا القاعه اللي حيعملوا فيها الخطوبه و كتب الكتاب و نزلوا عشان يشتروا الشبكه و جابولها اللي هي نفسها فيه و زياده كمان

كوثر : إيه رأيك يا شريفه

شريفه : بسم الله ما شاء الله مفيش احسن من كده بس و الله ده كتير يا كوثر

كوثر : مفيش حاجه تكتر على عروستنا هو احنا عندنا كام تقى ربنا يكمل فرحتنا على خير يا رب

صاحب المحل : عاوزين نسمع زغروته حلوة يا جماعه

كوثر و شريفه : لووووولي لوووولي

امنيه : أبيه أحمد

أحمد : نعم يا حبيبتي

امنيه : عاوزة اقولك حاجه بس م**وفه

أحمد : م**وفه مني انا في إيه يا امنيه قولي يا حبيبتي انتي عاوزة حاجه

امنيه : ايوة اصلي بصراحه نفسي اجيب لتقى هديه

أحمد : بس كده من عينيه هاتيلها اللي انتي عاوزاه يا حبيبتي

امنيه : انا شفت في الفترينه خاتم رقيق و حلو اوي و عاوزة اجيبهولها

أحمد : تمام ياللا نجيبهولها

و بعد ما تطلب من الجواهرجي يطلع لها الخاتم

امنيه : تقى تسمحيلي امسك صوباعك

تقى : صوباعي ليه

امنيه : هاتيها بس غمضى عينك

تغمض تقى عيونها و احمد عيونه عليها مش قادر يمنع نفسه عن حبها

امنيه : فتحي

تقى و هي بتفتح : الله ده حلو اوي يا امنيه

امنيه : اي خدمه يا قمر عشان تبقي كده مش خطيبة ايمن بس تبقي بتاعتنا كلنا

شريفه : مكنش ليه لزوم والله يا امنيه ما انتوا جبتولها شبكه حلوة

كوثر : الله و اناي مالك يا شريفه هما اخوات و احرار مع بعض

شريفه : ربنا يديم بينهم المحبه يا رب

امنيه : هاتيه بقى لامؤاخذه عشان البسهولك في الخطوبه

و كوثر هي كمان اشتريتلها سلسله عشان تهديهالها يوم الخطوبه

وقتها أحمد كان نفسه أوي يجيبلها حاجه هو كمان بس طبعا خاف من كوثر و خصوصا انه ما صدق انها الحمد لله هدت خالص من ناحية الموضوع ده

بس اتفاجئ بكوثر وهي بتقوله : بقولك ايه يا أحمد ما تجيب انت كمان لتقى حاجه عشان نبقى كلنا جبنالها

أحمد بفرحه : ماشي يا ماما وقتها احمد فرح اوي و كان نفسه اوي يجيبلها حاجه شبه الدبله كده لكن طبعا تراجع تاني بسرعه و فوق نفسه و اقترح على مامته انه يعملها حاجه عموله و يكون منقوش عليها اسم مشمش اللي دايما بيناديها بيه

و كوثر ما اعترضتش خالص

كانت دايما بتحاول تقنع نفسها ان أكيد اللي شافته و حست بيه كان اوهام و كان لازم تصدق الاحساس ده حتى لو كان مش حقيقي عشان متجرحش احمد و لا تزعله تاني

اه و نسيت اقولكم كمان ان أمنيه و مها دخلوا كلية الطب و بالمناسبه الحلوة دي

أحمد اشترى لامنيه سلسله جميله أوي هدية نجاحها

و كمان جاب واحده اختها بالظبط لمها هي كمان

شريفه :ده كتير اوي يا احمد مانتوا قبل كده جبتوا هدية نجاحها

احمد : لا هدية نجاحها حاجه و هدية انها حتبقى الدكتوره مها حاجه تانيه و بعدين هو انا مش زي مصطفى و اللا ايه يعني اجيبلها زي ما نا عاوز

شريفه : طبعا زي مصطفى ده انت ربنا العالم غلاوتك في قلبي ازاي تتردلك يوم ما نفرح بيك يا حبيبي يا رب

أحمد : مها اخت امنيه يا طنط و احنا مفيش بيننا التكليف ده

امنيه : احلى حاجه ان السلسله بتاعتي و بتاعة مها شبه بعض بالظبط

ربنا يخليك لينا يا ابيه يا رب

أحمد : ربنا يخليكم انتوا لينا و نشوفكم احسن و اشطر دكاترة و نعلق بقى اساميكم على عيادة كل واحده فيكم بامر الله الدكتورة مها حمدي المنياوي و الدكتورة امنيه عبدالله الشرقاوي

كوثر : يا رب يا حبايبي نشوفكم احسن الناس يا رب

و بعد الانتهاء من شراء الشبكه و الهدايا يقرر احمد ان يدعوهم إلى احدى المطاعم ليتناولوا وجبة العشاء

كان ايمن يتهامس مع تقى في اذنها بكلمات تجعل تقى وجهها يحمر خجلا و تخفض راسها للأسفل و كانت مها و امنيه يتبادلان الحديث سويا و كوثر و شريفه يتحدثان مع بعضهما بينما احمد كان يحاول الحديث مع مصطفى حتى يشغل نظره عن النظر إليهما و هما يتحدثان

و بعد ذلك يرجعون إلى البيت و الفرحه تملاء قلوبهم

و لم يكتف ايمن بذاك بل أراد ان يكمل معها الحديث عبر الهاتف

أيمن : تعرفي اني حاسس اني اسعد انسان في الدنيا كلها

تقى : و انا كمان حسه اني اسعد واحده مش، مصدقه اني حلبس الدبله اللي مكتوب عليها اسمك

أيمن : اه بس بقولك ايه اعملي حسابك الدبله حتتلبس في ايدك الشمال

تقى : الشمال ازاي بس، يا حبيبي قصدك اليمين دي دبلة الخطوبه

أيمن : واضح انك ناسيه اننا حنكتب الكتاب يا روحي يعني حتبقي مراتي و لازم تلبسيها في ايدك الشمال

تقى : هههههه مجنون و ربنا

أيمن : مجنون بحبك يا تؤتؤ

يسهران و يتحدثان سويا حتى يؤذن الفجر

تقى : يا ربي يا ايمن ده الفجر إذن يا حبيبي

أيمن : الوقت بيمر معاكي بسرعه اوي

ماشي حبيبتى انا حسيبك عشان اقوم اتوضا و انزل اصلي الفجر

تقى : تقبل الله يا حبيبي

أيمن : حبيبة قلبي انتي بقولك ايه ياللا قومي انتي كمان اتوضي و صللي

تقى : حاضر يا حبيبي

يغلق معها الهاتف و يخرج من غرفته ليجد اخيه احمد بخرج من الحمام هو الاخر و قد شمر عن ساعديه

احمد : انت صحيت يا ايمن

أيمن : انا اصلا منمتش يا حبيبي

أحمد و قد فهم ما يرمي اليه فحاول تغيير الحديث : طب يا للا اتوضى عشان نلحق صلاة الفجر جماعه

أيمن : حاضر يا حبيبي

أحمد عاوز اقولك حاجه

أحمد : خير يا حبيبي

أيمن : انا متشكر اوي يا اخويا. احمد : متشكر على ايه يا ايمن

أيمن : على كل حاجه بتعملها عشاننا احمد انا بحبك اوي انا بحس انك مش اخويا لاء انت اخوبا و ابويا و صاحبي و كل دنيتي انا نفسي اوي اشوفك اسعد انسان في الدنيا دي كلها

أحمد : ايمن انت ابني يا حبيبي انت روحي يا ايمن انا لو اطول اجيبلك نجمه من السما مش، حاخرها عليك انا مليش، غيركم انت و ماما و امنيه ربنا يخليكم لية

أيمن و هو بيحضنه : و احنا ملناش، غيرك يا احمد انت ابونا و كبيرنا ربنا يخليك لينا يا حبيبي يا رب

تخرج كوثر عشان تتوضى و تصلي و تشوفهم و هما حاضنين بعض تفرح اوي و ترفع ايدها للسما و هي بتدعي ربنا يخليهم لبعض

????????

في الصعيد

حامد و هو يتحدث إلى عبد الرحمن ابنه : بجي خلاص مجيتك عندينا تجيله على جلبك يا ولدي

عبد الرحمن : ليه بس بتجول أجده يا بوي ده اني مبحسش بحلاوة أي حاجه غير و اني فوسطيكم و بيناتكم

حامد : لو زي ما بتجول اجده ما كناش نهون عليك تجعد بالشهور و متجيش يا عبد الرحمن يا ولدي

عبد الرحمن : ههههههههه شهور انت خليت اسبوعين شهور يا بوي

أمينه : ما نت اليوم في بعادك بسنه يا نن عيني من جوة

و زي ما الست بتجول و ان مر يوم من غير لجياك ميتحسبش من عمري

عبد الرحمن : تسلميلي و يسلملي عمرك يا ست الحبايب

بس، يعني هو عبد الوهاب مش معوض غيابي

محدش فيكم يجدر يعوض مكان التاني يا نن عيني

ربنا يخليكم لية و اشوفكم سعدا و متهنيين يا رب

عبد الرحمن : و يخليكي لينا يا حاجه و يخليلنا بابا يا رب بس هو عبد الوهاب عامل ايه هو هند دلوجتى

امينه : زي الزفت على دماغهم هما الاتنين عاملين شبه الجط و الفار مبيجبلوش، لبعض كلمه و الله يا عبد الرحمن يا بني اني ما عارفه كيف بيخلفوا عيال و هما ما طيجيش بعض اجده امال لو كانوا بيحبوا بعض عاد كانوا خلفولنا كل يوم عيل و اللا إيه

عبد الرحمن : ههههههه يا اما ما اكيد اللي بيناتهم حاجة غير اللي انتوا شايفينها جدامكم

امينه : و الله يا ضنايا انا ماشايفاش غير واحد مطيجش يبص في وش مرته و الود وده يخلص منيها النهارده جبل بكرة

عبد الرحمن : للدرجه دي يا ما

حامد : و اكتر يا بني و غلاوتك اكتر بكتير

الظاهر اننا غلطنا لما جوزناها له لا هو فاهمها و لا هي فاهماه

عبد الرحمن : بس دي متبجاش عيشه يا ما طيب حاولوا تتكلموا معاهم هما الاتنين يمكن توصلوا معاهم لحل

امينه : ييه ده اني طهجت من كتر الكلام البت دي فجريه جوي ما تعرفش عن الجواز غير الخلفه و بس ماطلعاش كيف اختها طب دي البت رانده اختها مع إن هند احلى منيها بكتير الا انك تشوفها تجول كيف الممثلات على طول مظبطة حالها و على سنجة عشرة و منين ما نطب عليها في البيت تلاجيها مسرحه شعرها و صابغاه اشي مرة اصفر و مرة برتجاني دي مرة كانت عاملاه احمر كيف العفاريت و جوزها فرحان بيها جوي و تلبسلك الخلخال في رجليها كيف الغوازي اللي بيلفوا في الموالد

بالفه الراجل و مخلياه يلف حوالين نفسه راخر تلاجيه يجفل محله من المغرب و يجري عليها جري ما بيطجش يبعد عنيها دي لما بتكون عند عمتك هي ساعة زمن و يجري يجيبها

لكن تعالى بجى شوف وش الهم اللي حدانا اللي ربنا بلانا بيها ماهياش فالحه في حاجه غير في الخلفه و بس

و كلام في سرك بس اوعى تجول لحد لتبجى مصيبه كبيرة

عبد الرحمن : خير يا ما جلجتيني

امينه : اني اخوك لمحلي اكتر من مرة انه عايز يتجوز عليها و لو ديه حوصل عاد اخوي حيجطع علاجته بية و حتبجى و جعه مهببه طب و اني ذنبي ايه بس، يا ربي

مش بته هي اللي خايبه و اني وعيتها كتير وهي ودن من طين وودن من عجين

عبد الرحمن : لا جواز ايه اللي يتجوزه ده يبجى اتجنن عاد ده عنده عيلين و التالت جاي في السكه

امينه : طب بس دلوجتى عشان هند نازله

هند : سلام عليكم

يردون عليها التحيه : و عليكم السلام و رحمة الله و بركاته

هند : ازيك يا دكتور حمد الله على سلامتك

عبد الرحمن : الله يسلمك يا هند هاتي حامد عنك

هند : خد يا واد عمتي احسن تعبني جوي

حامد : و هو حد جالك تروحي تحملي و هو لسه على يدك

هند : ما خلاص بجي يا ابوي كل شويه تمجتوني بالكلام اروح اسجطلكم نفسي عشان ترتاحوا مني عاد

امينه : و الله عبد الوهاب هو اللي حيرتاح مش احنا

فيضحك عبد الرحمن بصوت منخفض : هههههه عسل يا ام عبد الوهاب

حامد : صحيح كنت حنسى اجولك اعمل حسابك ان شاء الله ان الخميس الجاي تفضي نفسك فيه

عبد الرحمن : اشمعنى يعني يا بوي خير عندينا فرح و اللا ايه

حامد : انت بتجول فيها ايوة عندينا فرح عجبال فرحك يا حبيبي

عبد الرحمن : و ده فرح مين عاد

حامد :عمك حمدي خطوبة بته تجى و كتب كتابها و اني حاخد امك و اخوك و مرته و نروح جبلها بيوم و انت كده كده حتبجى هناك اصلا فتاجي على هناك على طول

و اني طبعا حخللي مصطفى ابن عمك يجولك على اسم المكان اللي عاملين فيه الفرح

عبد الرحمن : يااه ده اني مشوفتهمش من يوم فرح عبد الوهاب و الله دني نسيت شكلهم بجي كيف

حامد : و اد*ك حتشوفهم ان شاء الله

عبد الرحمن : خلاص تمام يا بوي و على العموم لسه بدري على يوم الخميس لسه فاضل اسبوع بحاله

امينه : و حياتك يطلع الصبح بس و حتلاجي الاسبوع جري هوا

يدخل عبد الوهاب على كلامهم و يسلم على اخوه : عبد الرحمن كيفك يااخوي اتوحشتك جوي

عبد الرحمن : انت كمان وحشتني جوي يا عبد الوهاب كيفك و كيف اخبارك

عبد الوهاب : اني زين الحمد لله انت اللي ايه اخبارك شكل مصر عجباك بجيتجاعد فيها على طول و تجلت رجلك علينا

عبد الرحمن : مفيش، احلى من بلدنا ابدا

عبد الوهاب : يعني بزمتك مفيش واحده حلوة اجده شاغله عجلك وجلبك هناك

عبد الرحمن : اني لا و الله ابدا لني معنديش وجت نهائي من البيت للمستشفى و من المستشفى للجامعه

حامد : عبد الوهاب ملكش صالح باخوك هو غيرك مش بيفكر كيف ما نت بتفكر

عبد الوهاب : و اني مالي عاد

امينه : لنت زي الفل يا حبيبي و هو في زيك يا عبد الوهاب يا ولدي

يجلسون جميعهم يتحدثون سويا و يتسامرون حتى يصعد عبد الو لغرفته و تتبعه هند

هند : هو انت مل ليله تتاخر أجده يا عبد الوهاب

عبد الوهاب : و انتي عايزاني اجعد جمبك إياك

هند : و فيها ايه لما تجعد جمبي هو اني مش مرتك واللا ايه

عبد الوهاب : بجوالك ايه اني مليش مزاج اتخانج الليله لو نفسك مفتوحه عالخناج خليه على بكرة اكون فوجتلك

هند : و اني محسيباكش يا عبد الوهاب غير لما اعرف انت بتتسرمح كل يوم فين و بتجعد مع مين

عبد الوهاب : طب ايه رايك بجى انك لو ما اتكتمتيش، اني حنرنك علجه اخليكي تفجدي النطج خالص

هند : عايز تض*بني يا عبد الوهاب عايز تض*ب مرتك بردك زب اض*بني اني عاوزاك تمد ايدك علية عشان كت جبتلك ابوي يعرفك مجامك

عبد الوهاب : انتي حتخوفيني بخالي اياك

هند : اعملك ايه ما نت اصلك فجرت و محدش بجى مالي عينك

عبد الوهاب : طب امشي انجري من جدامي جتك الهم

تنظر له هند بغل و غيظ من أفعاله و تخرج من الغرفه

?????????