Tama ba na tumibok ang puso ko ngayon para kay Yuno?
“AAACCK! Noelle, ano ba? Gumising ka sa katotohanan!”
Sinigawan ko naman ang sarili ko sa harap ng salamin ngayon. Nakatitig lang ako sa sarili ko kanina habang nakahawak sa dibdib ko. Naisip ko pa lang ang sinabi sa akin ni Yuno kanina ay bumibilis na agad ang t***k ng puso ko. Naalala ko ang naging reaksyon ko nang marinig ang sinabi niya na ‘yon.
Tumakbo ako…
Oo, tumakbo talaga ako. Tumakbo ako palabas sa kwarto ko. Mabuti nga at hindi ko natapon ang pagkain na nasa harapan ko no’n. Nagpunta ako sa garden tapos nagpalipas lang doon ng oras sandali. Pinakiramdaman ko pa kung nakalabas na ba si Yuno sa kwarto ko at kung pwede na akong bumalik. Mabuti na nga lang at nabalitaan ko na umalis siya ng mansiyon no’n. Sinabi lang sa ak
