“Ikaw ba ang guardian ni Mr. Leo?” tanong sa akin ng Doktor sa video call. Hindi na ako umiiyak ngayon. Kailangan daw akong kausapin dahil hindi naman maiintindihan ng mga kapatid ko ang ipapaliwanag niya.
“Yes po. Kamusta na po siya?”
Kinakabahan ako sa test results. Ang sabi ng mga kapatid ko kanina ay kailangan siyang operahan. Pero ‘di ko alam kung ano ang dahilan kung bakit siya ooperahan. Malakas naman si Papa at mukhang walang sakit. Kaya nagulat ako na wala pa naman akong isang linggo na nawawalay sa pamilya ko, tapos malalaman ko ngayon na nasa ospital si Papa at may sakit.
“Your father has stomach cancer. Pero stage two pa lamang ito at pwede pa na maagapan agad kapag naoperahan siya ngayon. Pero kung mas tatagal pa ang operasyon, hindi imposible na mas lumala ang cancer ni
