May dalawang aninong magkahawak ang mga kamay na naglalakad sa dilim na ang tanging liwanag ay nagmumula sa buwan. Humahalinghing ang babae at hindi naman maibsan-ibsan ang pananabik ng lalaki na marating ang hinahanap niyang gloria. Nang dumating na sila sa matandang puno ng mangga, agad na kinandong ng lalaki ang babae at sinimulang lambing-lambingin ito.
"Ka Pedring naman eh, tama na at baka mahuli tayo ng mga asawa natin," kunwaring tanggi ni Manang Ising sa ginagawang paghalik ng lalaki sa kaniyang leeg. Siya ang mayordoma sa mansyon ng mga Alvaro at asawa ni Mang Ramon na katiwala din ng pamilya. "Nakikiliti ako, ano ba?"
"Sige na, pagbigyan mo na ko. Wala namang tao." Nilingon-lingon pa ni Ka Pedring ang kadiliman ng paligid. Nasa ilang na lugar sila at nakakubli naman sa malaking
