"Elsa, hindi ka ba kakain ng hapunan? Alas sais na ng gabi. Uubusan ka na ng kapatid mo," tawag ng inay niya.
"O-opo, lalabas na." Inalis ni Elsa ang kumot na nakatalukbong sa kanya saka tumayo mula sa katre.
Lumabas ito ng silid para mag-hapunan. Naupo ito sa hapag-kainan. "Inay," pukaw ni Elsa sa Inay niya na abalasa pagsasalin ng kanin sa plato niya.
"Anong problema? May kailangan ka?"
"H-hindi ba tayo lilipat sa Ibayo? Marami na ang nagnanais lumikas mula rito." Nanginginig ang kamay niya habang sumasandok ng ulam.
"Naisin man natin ay wala tayong malilipatan. Wala ring ipon na salapi ang iyong Itay."
"P-pero, Inay, paano kung tayo ang isunod ng pumapatay?" may pangambang tanong ni Elsa.
"Hindi ba't ang sabi-sabi, ang pinapatay daw ay iyong nang-api sa anak ni Mang Ruben? Hindi
