Inalalayan ni Laura si Sonia pababa ng hagdan. Naglingunan ang mga naghahanda para sa gaganaping kasalan. Humanga sila sa angking ganda ng bagong Señorita ng tahanan ni Bal.
"Halika, tayo nang dumiretso sa burol," aya ni Laura.Nag-alangan si Sonia dahil marurumihan ang saya ng damit na suot niya kung lalakarin lang nila hanggang burol. "P-pero..."
"Ako na ang bahala." Pumitik ito at sa isang iglap ay naroon na sila sa burol. May mga bisita nang nakaupo at naghihintay sa pagdating ni Sonia. Hindi niya kilala ang mga naroon maliban kay Laura at sa ilang kasambahay na paminsan-misan niyang nakikita sa bahay ni Bal.
May itim na telang lalakaran ng ikakasal at ang hangganan nito ay nasa altar. May mahabang mesa rito na may ilang kagamitan ang nakapatong at may saping itim na tela. Napapalam
