Umugong ang bali-balita sa isla maging sa Ibayo na tinamaan ng unos ang Isla Tappul. Patuloy na namamatay ang mga isda sa dagat, ang mga pananim at mga alagang hayop sa isla. Maging ang mga alagang
hayop at tanim na palay sa Ibayo ay nadamay sa salot. Tila isang delubyo ang dumaan sa kanila. Subalit
hindi lamang salot ang naging laman ng usap-usapan kundi maging ang pinagbibintangang pinagmulan ng
nito---si Sonia. Ang pasimuno ng kumakalat na balita ay si Lumen at mga kaibigan nito. Naghahalakhakan ang
grupo nila habang pinag-uusapan ang ginawa nilang kalokohan.
"Mantakin mo, ang tatanga ng mga taga-isla. paniwalang-paniwala sa mga pinagkakalat natin?" pagbibida ni Elsa.
"Hindi pa tayo tapos hangga't hindi nadudurog ang babaeng iyan. Bilin ni Mameng na huwag siyang tigilan."
Tu
