Ilang buwan ang matuling lumipas at naitago ng pamilya ni Sonia ang pagdadalang-tao nito. Hindi ito pinalalabas ng bahay.
Samantala, nanatili si Mameng sa mansyon. Hindi siya umaalis kahit ilang ulit na siyang pinapalayas ni Roberto at ni Donya Asuncion. Ipinagpapasasalamat na lamang niya na wala roon ang Papa ni Roerto na higit na mas malupit kaysa sa mag-ina. Balita niya'y nasa paglalakbay ito upang humanap ng bagong lugar na mapagmiminahan.
Pinagsilbihan niya ang mga Alvaro. Halos alilain siya ng mag-ina. Sa silid ng mga katulong na rin siya pinatutulog ng mga ito. Hindi na rin siya pinalalayas dahil sa kahihiyan na naloko sila ni Mameng, subalit hindi pa rin tumitigil si Roberto sa pananakit sa kanya sa tuwing makahahanap ito ng pagkakataon. Minsan ay kusa na lamang iniiwasan ni Mame
