Kumalat ang bulung-bulungan na si Sonia ang dahilan ng pagkamatay ni Donya Asuncion. Nakarating ito sa Ibayo at umabot sa kaalaman ni Padre Agustin. Naniniwala ang prayle na nilulukuban si Sonia ng masamang espiritu. Kinausap nito nang masinsinan si Roberto habang nasa lamay sila ng Donya.
"Hijo, alam mong wala sa tamang katinuan ang iyong dating kasintahan," panimula ng prayle. Pinagmasdan si Roberto na nakatitig lang sa kabaong ng kanyang Mama. Hindi pa rin umuuwi ang kanyang Papa mula sa paglalakbay nito kaya't hindi pa nila mailibing ang ina.
"Roberto, pupuntahan namin si Sonia at ang pamilya niiya upang mapaalis sa isla. Hindi na sila maaari pang manatili pa. Nagagalit na ang mga taga-isla.," patuloy na salita ng pari. Naupo ito sa kalapit ng upuan ni Roberto. Pansamantalang pinagma
