"Bal," tawag ni Sonneillon. Tinawag nito ang anak para kausapin ukol sa balitang ikinasal ito kay Sonia.
"Ama." Yumukod si Bal tanda ng paggalang sa ika-pitong na prinsipe ng impyerno. Dati itong ika-apat na prinsipe ng Thronos ng kalangitan bago mag-aklas at ipatapon sa impyerno. Mayroon itong dalawang mahabang sungay at tila ulo ng halimaw. May matatalas na ngipin, mabalasik na mga mata at malapad na ilong. Ang kutis nito ay mamula-mula. Ang taas nito ay higit pa sa siyam na talampakan. Mayroon itong suot na korona ng isang prinsipe. Mababakas ang kalupitan nito sa kanyang anyo pa lamang.
"Itinuloy mo pa rin ang pagpapakasal mo kay Sonia," depinido ang pagkakasabi nito, sigurado sa balitang nakalap. "Naging abala lang ako sa pinamumunuan ko nang halos isang taon, sumige ka na sa kalok
