"Saan kaya nagsuot ang salot na iyon?" ani ng tinig ng isang lalaki. Malaki ang boses nito.
"Mahahanap din natin siya, lalo na kapag nalaman niyang nilamon na ng apoy ang mga magulang at kapatid niya," sagot ng isa pa. Paos ang boses nito. Nabosesan ito ni Sabel, kaboses ito ni Ka Pedring.
Napatutop ng bibig si Sabel. "Ama, Ina, Buboy!" impit na sambit ng dalagita. "Hindi..." Nag-uunahang pumatak ang mga luha sa magkabilang pisngi nito. Sinulyapan ang natutulog na kapatid. "Ate..."
"Doon tayo sa bandang kaloob-looban ng kakahuyan. Hindi makakalayo iyan sa isla!" Nakilala ni Sabel ang boses nito. Si Padre Agustin ang nag-utos na hanapin sila. Nagpupuyos ang dibdib ng dalaga nang maisip na isang prayle ang may gawa nito sa pamilya nila. Napa-kuyumos ang kanyang kamao sa galit.
Pumikit an
