Ilang araw nagpabalik-balik sa yungib ang dating arkanghel na nasa katawan ng albularyo upang tingan ang kundisyon ni Sonia. Kinakikitaan na siya ng paghihirap at pananakit ng tiyan. May paghilab na itong nararamdaman at dumadaing lalo na kapag gabi.
Ito ang gabi na sa palagay ng albularyo'y lalabas na ang bata. Agad itong nagtungo sa kakahuyan kasama ng apong si Antonio. Walang kamalay-malay ang dalawa na may nakakita sa kanila sa pagpuslit nila sa kakahuyan. Nagmamadali itong makalabas ng kakayuhan para maisuplong sa mga taga-isla.
"Ka Pedring, nakita ko ho sina Mang Tano at ang apo niya na nagtungo sa kakahuyan. Naroon sila ngayon kaya sinundan ko. Pumasok sila sa bahaging may makapal na halamanan," sumbong ng may edad na lalaking may malaking tiyan. Humihingal pa ito habang papalapi
