Kaparehong gabi ng pagpaslang kay Padre Agustin, walang kamalay-malay ang mga taga-isla sa nangyari.
"Pare, napakaswerte mo talaga! Dalawang manok mo ang tumama sa sabungan! Ang dami mong naiuwing salapi ngayon!" Itinaas ni Mang Lucio ang basong may serbesa.
"Alam mo namang may hatid na swerte sa akin ang mga manok ko kahit minalas noon. Wala na kasi ang salot," napahagikgik pa ito habang nagsasalita.
"Tuloy-tuloy na ang swerte mo, tiyak iyon. Bukas, may sabong ulit sa Ibayo. Laban ulit tayo! Kailangang makabawi din ako sa manok ni Padre Agustin!" naghihinagpis na sabi ni Mang Puroy.
"Sige, maaga tayo bukas. Uuwi na ako para maagang makatulog, maiwan ko na kayo." Tumayo na si Ka Pedring mula sa inuman na ginanap sa bahay ni Mang Lucio. "Baka magalit na ang asawa kong maingay."
"Sige,
