NAG-ANGAT ng tingin si Amarah nang maramdaman niya ang pagbukas ng pinto sa opisina ni Daxton.
At nang mag-angat siya ng tingin ay nakita niya si Daxton na lumabas ng opisina nito.
"Are you ready?" tanong nito sa kanya.
Tiningnan naman niya ang wristwacth na suot. At hindi napigilan ni Amarah ang panlalalaki ng mga mata nang makita kung ano ang oras. Dahil sa malalim na pag-iisip ay hindi na niya napansin ang oras, may lakad pala sila ni Daxton dahil imi-meet nito ang ka-lunch meeting nito.
"Saglit lang, Daxto--Sir." Kinagat niya ang ibabang labi nang muntik na niyang matawag ito sa pangalan nito. Mabilis niyang niligpit ang mga gamit na nagkalat sa cubicle niya.
"Take your time, Amarah," wika nito sa kanya. "And you can call me on my first name, I don't mind," dagdag pa na wika n
