TUTOL si Daxton sa gusto niyang mangyari. Gusto na kasi ni Amarah na ma-discharged na siya sa hospital. Ang sabi naman ng doctor ay okay na siya, okay na din ang baby niya. Masyado lang daw siyang na-stress at kulang ng nutrients ang katawan kung bakit siya nawalan ng malay. Pero lahat naman ng test niya ay maganda ang resulta. At pwede na din siyang ma-discharge. May nireseta nga sa kanya ang doctor ng panibagong vitamins para ganahan siyang kumain.
May gana naman siyang kumain, medyo mapili lang siya. Hormones din niya siguro dahil sa pagbubuntis niya dahil noong malaman ni Daxton na pinaglilihian niya ang mga luto nito at nang sabihin niyang nagugutom na ito ay dali-dali itong nagpaalam para lutuan siya ng gusto niyang kainin. Hindi nga din ito masyado nagtagal dahil makalipas ang hal
