MKSSA Series: Somewhere Far (bxb) [COMPLETED]

I am just a simple person, trying to continue my life as normal human being without being entangled by a weird phenomenons. "Gusto ko lang naman talagang makahanap ng taong tunay na magmamahal sa'kin, pero Lord naman, ba't naman ganto? I don't need this and I will never be fit for something like this. **** Planet mimic 100 lightyears far from earth: "Panginoon, pinatawag nyo raw po ako?" Sabi ng isang binatang nakasuot ng roba habang nakaluhod sa harap ng lalaking nakatalikod paharap sa malaking bintana sa kanyang silid. Lalaking tinitingala sa kanilang planeta na kitang-kita ang pagiging mataas na katungkulan nito sa iba dahil sa kanyang suot na robang kumikinang dahil sa mga palamuti na nakadikit dito na tanging sa kanilang planeta lamang makikita at sa suot nitong kulay ginto na korona. "Panahon na." Bigkas nito na hindi nililingon ang binata at patuloy pa rin sa pagtingin sa labas ng kanyang silid wari ay naghahanap ng kung anumang bagay. "Ano po ang gusto nyong gawin ko?" tanong ng binata sabay tayo galing sa kanyang pagluhod. "Gusto kong ikaw ang manguna sa pagbabantay sa ilinahad upang masiguro na ligtas sya sa pagdating ng tamang paglulugom." Wika ng lalaki sa seryoso at maowtoridad na tono. "Masusunod po Panginoon, bukas na bukas din ay maghahanda kami sa aming paglisan nang sa ganun ay makarating kaagad kami sa aming paroroonan." Sagot naman nito sa huli. "Ngunit may isa pa akong gustong ipagawa sa iyo." pahabol na wika ng lalaki sa papaalis na binata na agad namang bumaling uli sa kanya. "Ano po iyon, gagawin ko po ang anumang inyong ipag-uutos–" Wika ng binata sa kanyang seryosong kaharap. "Gusto kong ikaw mismo ang maghanda sa kanya." Tila nawindang ang kanyang sistema sa sinabi ng kanyang panginoon,. Oo alam nyang kaya nyang sanayin ang Ilinahad dahil may kumpyansa sya sa kanyang sarili na magaling sya hindi lamang sa pagiging lider ng kanilang kasundalohan kundi pati na rin sa pagiging magaling sa paggamit ng espada at mahika, ngunit ang hindi nya maintindihan ay kung bakit ganoon na lamang ang tiwala sa kanya ng kanyang panginoon na kaya nitong isiwalat sa kanya pati ang mahahalagang bagay patungkol sa Ilinahad. Samantalang, alam ng lahat na hindi ito marunong magbigay ng tiwala sa kung sinuman kahit ang tao pang pinakamalapit sa kanya ngunit bakit tila sya ay naguguluhan sa ipinapakita nitong kilos sa kanya na di hamak na malayo ang agwat nila sa lipunang kanilang ginagalawan. Pinuno lamang sya ng hukbo ng kanilang planeta habang ito ay panginoon ng lahat at hindi sila ganoon ka malapit sa isa't isa, dahil tuwing pumupunta siya sa palasyo at nagbibigay ng impormasyon ay tanging ang kanang kamay lamang nito ang humaharap sa kanya. "O-opo Panginoon, G-gagawin ko po ang inyong nais." Hindi na lamang nya pinahalata sa kanyang kaharap na nabigla sya ngunit lumalabas pa rin sa kanyang boses ang pagtataka. "Salamat, balang araw makukuha mo rin ang kabayaran ng iyong kabutihan." Mga makahulugang katagang kanyang huling narinig bago siya lumabas sa nasabing silid. Dahil sa pagnanais na matuwa ang kanyang Panginoon ay agad na siyang naghanda sa kanyang paglisan, lahat ng gamit na kanyang gagamitin ay nailagay na niya sa kanyang lalagyanan. At kahaponan din ng araw na iyon ay agad na siyang lumipad papaalis sa kanyang nakagisnang planeta.