CHAPTER 31
PINAKIKIRAMDAMAN NI ni Younhee sina Zane at Harra nang makalabas sila ng kuwarto. Hindi niya alam kung ano ang sasabihin dahil hanggang ngayon ay nagugulat pa rin siya sa naging takbo ng usapan ng magkapatid. Kahit si Zane ay ganoon din ang itsura. Alam niyang kagaya nito nahihirapan din itong sumali sa usapan.
“Mas mabuti siguro kung hahayaan na muna natin magpahinga si Marra Noona. Mag-usap kayo kapag magaling na siya.”
Tumango na lang si Harra dito. “Sige. Ganoon na nga lang ang mangyayari.”
“Mabuti na lang at off natin. Kahit paano mapapahinga talaga siya tapos nandito tayo,” aniya nang makaupo siya sa sofa.
Si Zane naman ay tumango saka pinagkrus ang mga braso. “Pero alam ninyo, malakas ang paniniwala ko na may relasyon na ang dalawang iyan pero ayaw la
