Tinitigan ko nang maigi si Alana na para bang inoobserbahan ko siya sapagkat hindi ako makapaniwala na narinig ko iyon mula sa kaniya. Hindi ako makapaniwala na narinig ko mula sa kaniya na nais niya akong samahan sa paglalakbay na ito – ang paglalakbay na gagawin ko lamang dahil hindi niya nais sabihin sa akin ang kaniyang nalalaman.
Gulong-gulo ang aking isipan sapagkat hindi ko talaga inaasahan na maririnig ko ito mula sa kaniyang mga bibig. Hindi ko inaasahan na maririnig niyang sasabihin niya sa akin na nais niyang sumama sa aking paglalakbay sa kadahilanang hindi niya pa binabanggit sa akin.
Akala ko ay umalis siya ng kaniyang tahanan kanina sa kadahilanang hindi niya nais na makita akong lumisan sa kaniyang lugar, ngunit tila ba pinag-iisipan lamang niya kung siya ba ay sasama sa
