AMY
Nakalabas na kami ng bar, kasama ko si Alicia ngayon at naglilibot kami sa hindi ko alam kung nasaan na kami nakarating. Ang tanging alam ko lang ngayon ay dalawang bagay; nawawala si Sean kaya ngayon ay hinahanap namin siya at ang isa pa ay malalagot ako sa oras na makita ako nina mama at papa na naglilibot pa sa labas ng ganitong oras. Hindi naman din ako nagdalawang isip na sumama kay Alicia para hanapin ang kaibigan ko kasi hindi pa ito nangyayari kay Sean. Nasanay na akong palagi lang siya naririyan sa tabi ko at hindi niya ako iniiwanan kahit pa ano ang mangyari sa amin. Tsaka isa pa, sobrang bihirang magkaaway kami at halos hindi pa nga yata kami nagkakaroon ng diskusyon, simula pa noong una kaming magkakilala.
"Paano kung na-kidnap na si Sean?" nag-aalalang tanong ko kay Alic
