AMY
Hanggang ngayon ay hindi ko pa rin alam kung ano ang dapat kong sabihin sa lalaking nanghihingi sa akin ng tulong mula sa loob ng bar. Ngunit, nang marinig ko ang pagtawag niya sa akin ay roon ko lamang napagtanto na si Sean pala iyon. Naiwan si Sean sa loob ng bar at hindi ko alam kung saang partikular na lugar doon, ang alam ko lang ay kaya namin siya hindi matagpuan kanina pa ay dahil nga naririto lang pala siya sa bar.
"Amy, naririnig mo ba ako? Tulungan mo naman ako..." pagmamakaawa niya sa akin at para bang mawawala na siya ng boses maya-maya.
Kumatok ako muli sa pinto para maagaw ko ang atensyon niya. "Ako ba, naririnig mo?" tanong ko sa kanya habang patuloy lang ako sa pagkatok sa pinto.
"Oo..." Mas lalo pang humina ang kanyang boses kaya mas nataranta rin ako, hindi ko map
