AMY
Napatigil ako sa aking paglalakad kaya muntikan naming mabitawan si Sean. Hindi ko maproseso ang sinabi ng lalaking ito o sadyang naguguluhan lang ako kung ano ang dapat kong piliin. Ang kagustuhan ko bang makitang gumising si Sean kahit pa nasaan siya mapunta, o ang makauwi na para hindi ako mapagalitan nila mama at papa. Pero, dapat ko ba talagang alalahanin ang sasabihin sa akin ni mama o ni papa, kung ang kaibigan ko naman eh nasa panganib? Sa palagay ko ay maiintindihan naman nila ang rason ko kung bakit hindi ako makakauwi agad sa tinitirhan namin.
Pumantay sa akin ang lalaki para maayos ang pag-aalalay namin kay Sean. "Anong problema? Nandoon naman ang nakababatang kapatid ko, 'wag kang mag-alala na may gawin akong masama," paniniguro niya sa akin. Ang inaakala siguro niya ay
