NAGKULONG sa kanyang silid si Anne. Dinadalhan siya ng pagkain ng kawaksi roon. Nahihiya siya kay Mama Ancia, ngunit hindi talaga niya nais na lumabas. Hindi pa niya kayang humarap sa ibang tao.
Iyak lang siya nang iyak. Halos hindi siya makakilos. Hindi siya makapagsulat. Halos nasa higaan lang siya at hinahayaan ang miserableng pakiramdam na lamunin ang kanyang buong pagkatao.
Halos dalawang araw na silang hindi nagkakausap ni Nigel. Hindi ito nagtutungo sa kanyang silid. Dati, tuwing may tampuhan sila ay ang binata ang unang umaamo sa kanya kahit na kasalanan niya. Si Nigel ang unang sumusuko at nakikipagbati. Hindi siya nito matiis nang matagal. Hindi na iyon simpleng tampuhan lang. Nasaktan niya nang lubos si Nigel.
She realized that he was right. Alam ni Anne na umiibig ito sa ka
