“NAGSUSULAT ka?”
Nilingon ni Anne si Nigel. Naramdaman na niya ang binata sa kanyang likuran bago pa man ito nagsalita. Nasa labas siya ng kanyang silid. Nakaupo si Anne sa sahig at nakasandal sa column. Nasa kandungan niya ang kanyang laptop. Kalahating oras na yata siya roon.
“Yes,” tugon ni Anne, saka ibinalik ang atensiyon sa kanyang isinusulat. Kahit na hindi siya nakatingin doon ay patuloy sa pagtipa ang kanyang mga daliri. Pakiramdam niya ay bumabalik na ang kanyang drive. Bigla siyang nagkaroon ng inspirasyon pagkatapos niyang makausap si Glanys kanina.
Mula sa peripheral vision niya, nakita ni Anne na naglakad patungo sa kanyang silid si Nigel. Paglabas nito ay may dala-dala na itong dalawang throw pillows. “Use this para hindi ka mangalay.”
Inalalayan siya ng binata upang mai
