“KAHIT kailan talaga, ang daya mo,” nakaingos na sabi ni Anne kay Nigel. “Dinala mo ang camera mo pero hindi mo `ko hinayaang dalhin ang laptop ko.”
Natawa ang binata bago siya kinunan ng larawan. Bumunot si Anne ng isang mahabang d**o at inihampas iyon kay Nigel. Hindi naman ito nasaktan. Lalo pa nga itong natawa. Hindi tumigil sa pagpindot ng camera ang binata habang hinahampas niya ito ng d**o.
Patungo sila sa sinasabing talon ni Nigel. He looked so excited. the falls must be wonderful. Gusto ng mga mata ni Anne ang nadaraanan nila. Hindi iyon gaanong masukal. Mataas ang mga punong-kahoy. Maganda ang mga ligaw na bulaklak.
“Stop,” saway ni Anne, saka niya inirapan ang binata.
“Hindi ka na nasanay sa `kin. Ayokong dalhin mo ang laptop mo dahil baka madisgrasya mo lang. Hindi mo gusto
