ANNE was inspired again. Halos hindi niya tinigilan ang kanyang computer. Parang agos ng tubig sa ilog na tuloy-tuloy ang daloy ng mga ideya sa kanya. Hindi nga makasabay ang kanyang mga daliri. There were just so many ideas and she felt like her fingers were too slow in typing.
Natutuwa si Anne dahil nakakapagsulat na uli siya. Puno ng kaligayahan ang kanyang puso habang tumitipa sa keyboard ng laptop. Inakala niyang malulungkot siya dahil muling naungkat ang kanyang malungkot na nakaraan, ngunit hindi ganoon ang nangyari. Utang niya ang kaligayahang nadarama kay Mama Ancia.
She inspired her so much. Her love for her husband fueled her desire to write a story that would move every heart. Ikinuwento sa kanya ng matanda kung paano nito nakilala ang asawa nito noon na simpleng magsasaka sa
