“ANO’NG nangyayari?” usisa ni Mang Tony kay Yaya Huling nang marinig ang sigawan. Nakadungaw ang dalawa sa may garahe. Katatapos lang maglinis ni Mang Tony ng sasakyan habang si Yaya Huling naman ay naglalaba.
“Hindi ko nga alam. Basta ang alam ko lang biglang dumating si Ma’am Stella tapos nagkagulo na. Parang may ginawang mali si Ma’am Stella kaya nag-break sina Serene at Sir Evo,” sambit ni Yaya Huling na siya ring pinagmamasdan nang patago ang nangyayari sa may pinto.
“I will tell you this, again. Hinding-hindi kita mamahalin. Never!” Ito ang mga katagang binititiwan ni Evo. Labag man sa kalooban ni Evo na saktan si Stella ay nagawa na niya ang hindi niya dapat magawa. Nasabi ang mga salitang hindi dapat sabihin.
Tumayo si Stella mula sa pagkakadapa niya. “You will regret this, Evo
