ALAS-SAIS ng umaga. Maagang nagising si Serene upang ihanda ang kanyang gamit sa pagpasok. Ngunit habang nasa kalagitaan siya ng pag-aayos ay siya namang pagpasok ni Yaya Huling. Nagtataka siya kung bakit hindi ito mapakali nang pumasok sa kanilang kuwarto sa maid's quarter.
“Yaya Huling, may problema ba? Kanina ka pa paikot-ikot diyan, eh,” pagtataka ni Serene sa tila naiihing si Yaya Huling.
“Kasi hindi ko kayang pumasok sa kuwarto ni Sir Evo. Kailangan ko nang dalhin sa kanya ’yong agahan niya bago siya magising.” Tila may kaba sa boses nito. Pagdadala lang naman ng agahan ang gagawin pero bakit tila nawiwindang ito at nakakita ng multo?
“Eh bakit hindi n’yo pa po dalhin?” tanong ni Serene.
Napansin ni Serene ang pamumula ng mukha ni Yaya Huling. “Eh, kasi . . . ano, eh . . .”
“Ak
