"P-P-Paano mo ko nakilala?!” mautal utal kong tanong habang patuloy na humahakbang palayo sa kanya.
Sigurado ako na ibang iba ang anyo, kasarian at pangangatawan ko sa oras na ito.
Kahit nga ang mga kasamahan ko sa PIA ay nahihirapan na makilala ako sa gitna ng misyon dahil hindi nila agad mawari kung sino ako.
Posible kaya na alam niya ang totoong identidad ko?
Alam na rin kaya niya na ako ang babaeng nakasama niya noon limang taon na nakakaraan?
Na ako ang babaeng limang taon na niya na hinahanap?
Sa oras na ito ay halos mabingi ako sa lakas ng kabog ng puso. Kulang na lang ay kumawala ang puso ko mula sa aking dibdib. Marahil ito ay dahil sa matinding takot kung sakali na alam na nga ni Agent Fang ang sikreto ko.
Ngunit kung alam na niya ay dapat simula pa lang ay sinabi n
