Mabilis na lumipas ang mga araw. Ngayon ay sa bahay na ni Darius naninirahan sina Nanay Nena at ang mga ampon nito. Sa loob ng ilang araw na paninirahan ng mga ito sa bahay niya, hindi lang iilang beses na nangunsimisyon siya kay Shiny Star. Minsang pinalinis niya ito sa library ay binago nito ang ayos niyon. Ang kinalabasan, hindi niya alam kung nasaan nito inilagay ang mga librong kailangan niya.
FLASHBACK...
“Hey you!” tawag niya kay Shiny Star na kalalabas lang ng banyo. Luminga-linga pa ito na tila sinisiguro na siya nga ang kaniyang tinatawag.
“Ikaw nga ang tinatawag ko,” masungit niyang sabi rito.
“Ahhh, hey you pala ang dapat sambitin kapag may tatawagin ka,” tatango-tango pa nitong sabi sa kaniya.
Napapailing naman siya at hindi pinansin ang kalokohang pinagsasasabi nito. Nak
