NAKAMASID LANG SI WEVZ habang masayang nagsasabuyan ng tubig sa pool ang mag-aama.
"Iba talaga ang beauty mo bru!" Ani Gia na nasa tabi niya. "Ni minsan hindi ko nakita yang pinsan ko na nagkaroon ng ganyang bonding sa mga anak niya. Well, alam ko naman na mahal niya ang mga anak niya pero laging prim and proper yan kapag kaharap ang mga anak."
"Siguro na realize lang niya kailangan yan ng mga anak niya." Aniya sa kaibigan.
"Naku! Duda ako diyan! Tignan mo naman nakaka-tawa at dumadalas ang pag-ngiti naku! Ganda mo bru!" Tudyo nito.
"Tse! Tumigil ka nga diyan." Saad niya na natatawa.
"Asus! Pakunwari pa! Palagay ko ikaw ang gamot ng pinsan ko."
"Huwag ka ngang maingay diyan baka ano pang isipin niya kapag narinig ka." Saway niya rito.
"Naku! Totoo naman kaya! Magiging masaya talaga
