البارت الرابع 💕

1931 Words

لتمسح دموعها سريعا وتقف بثقه ... أنا جيت هنا عشان اتخلص من الكابوس اللى فى حياتى جيت عشان اعرف الحقيقه ولازم اعرفها بااى طريقه ولكن هل ياترا ساتتخلص من الكابوس ام ستواجه كابوس اخر اصعب ؟؟؟؟؟؟ نادين ..... طول عمره ادهم بيساعدنى فى كل حاجه حتى كمان فى المره دى هيساعدنى بس من غير ما يعرف لتعطى بعدها نادين السائق عنوان وتتطلب منه أن يأخذها على هذا العنوان وبعد حوالى ساعه تصل نادين إلى هذا العنوان ...لتشعر نادين بالارتباك من تلك المواجهه ...ظلت نادين واقفه أمام هذا الباب تخطو خطوه للامام ثم ترجع مره اخرى للخلف لتحدث نادين نفسها وهى تحاول أن تستجمع قواتها .... اجمدى يانادين دى فى الاول وفى الاخر صديقه عمرك لتأخذ قرارها وترن جرس الباب لتفتح لها ساره ....وهى صديقه نادين المقربه ولكن تكبر عن نادين بحوالى عامين .... وهى ليست صديقه نادين فقط فهى أيضا كانت حبيبه ادهم ولولا الظروف الذى فرقتهم كانت الان زوجته .... وهى لن تقل جمالا عن نادين تمتلك شعر أ**د داكن وبشره ناصعه البياض وعيون عسليه جذابه لتقف ساره مصدومه تظن أنها بدأخل حلم لتقول بصوت تظهر فيه صدمتها وتعجبها .... نادين !!!! معقوله !!!! لن تنتظر نادين أكثر لتعانقها بشده وكأنها كانت فاقده لشئ ثمين والان وأجدته ...كادت ساره أن تعانقها هى الأخرى ولكن مر أمامها شريط من الذكريات السيئه لتبتعد عنها سريعا بوجهه خالى من التعبير ساره بقسوه ... عايزه ايه ؟؟ ايه اللى جابك هنا ؟؟؟ لتبتسم بحزن ومرار ...جايه بعد السنين دى كلها تعملى ايه ياصديقه الروح مش هو دا اللقب بتاعك ...مش دا اسمك اللىى كنت بند*كى بيه بس دلوقتى أنا ماعرفكيش لترد نادين وهى لا تستطيع السيطره على دموعها ...بس انتى لسه صديقه الروح لترد ساره بقسوه .... صديقه الروح ؟؟؟ اى صديقه دى اللى تسيب صديقتها طول السنين دى وماتفكرش حتى تسال عليها وانتى عارفه كويس أنا حالتى كانت ايه مشيتى ولا كانك تعرفينى .... امشئ يانادين أنا ماعنديش اصدقاء ... وفى تلك اللحظه لا تستطيع ساره السيطره على دموعها وهى تقول .... ولا عندى حبيب كمان أنا لوحدى وهافضل طول عمرى لوحدى لتعانقها نادين مره اخرى ... ثم تجعلها تجلس على كرسى .... أهدى يا ساره ارجوكى = أهدى جايه بعد كل اللى حصل فيا وجايه تقوليلى أهدى .... ليه ؟؟ أنا عايزه افهم كله دا ليه ليه عمل فيا كده وحطمنى أنا عملت معاه ايه وحش عشان يعمل فيا كل دا نادين ... وهو دا اللى أنا جيت عشان أفهمه صدقينى ياساره ادهم بيحبك وعمره ماحب حد غيرك ... بس اكيد فيه حاجه جبرته أنه يبعد عنك اكيد كان مجبور "ساره بنبره حزينه " كان مجبور ؟؟!!!! وايه اللى يجبر شخص أنه يبعد عن روحه .... نادين انتى عمرك ماهتفهمى ادهم كان ايه بالنسبالى ...ادهم كان كل حاجه فى حياتى كان اخويا وابويا وصديقى ...والهوا اللى بتنفسه ادهم ادانى كل حاجه وفجاه ومن غير مقدمات خد منى كل حاجه ...انتى فاهمه يعنى ايه تعيشى من غير روح جسد بس من غير روح ...انتى فاهمه يعنى ايه وحده يكون كل حلمها فى الحياه انى حبيبها يفضل معاها طول العمر ويجمعهم بيت سوا ...أنا كنت مجهزه فستان الخطوبه وكنت طايره من الفرحه وعقلى مش مصدق امتى يجى اليوم دا ...وفجاه الاقيه بيقولى احنا مش هينفع نكمل مع بعض ...يانادين ادهم مشئ حتى من غير مايفهمنى حاجه مشئ وخد معاه حياتى وخد معاه كل حاجه حلوه ... مافرقش معاه حتى أنا حالتى هاتكون ايه بعده وهو عارف انى لوحدى وأنه كان كل حياتى .... بس ادهم شخص انانى ومافرقش معاه حاجه كان بيستغلنى وانا زى الهبله صدقت كلامه لتقاطعها نادين وهى معارضه كلامها :- لا ياساره ادهم عمره ماكان كده وانتى عارفه كده كويس كلنا عارفين انى ادهم كان بيحبك ولسه بيحبك لغايه دلوقتى لتبتسم ساره ابتسامه حزينه وهى تقول .... لسه بيحبنى ماهو واضح نادين بتأكيد :- ايوه ياساره لسه بيحبك ادهم لسه حاطط صورتك فى محفظته ومش بيشيلها ولسه محتفظ بكل صوركم مع بعض وادهم اخويا أنا عارفه كويس هو حبك بجد ولسه بيحبك والدليل على كده عمره ماكلم اى بنت غيرك ... لتكمل نادين بحزن .... تعرفى ياساره ادهم من وقت ماسبتو بعض وانا كل ماادخل عليه وهو نائم الاقيه بيقول اسمك ...انتى لسه مستحوزه على كل تفكيره زى زمان وكمان اكتر ليدق قلب ساره من الفرح وكأنه تجدد بداخلها الامل ...ولما بيحبنى طيب ليه سابنى ؟؟!!!! نادين :- وهو دا اللى هربت من اهلى عشان اعرفه ...السر اللى بسببه احنا بنهرب السر اللى بسببه ادهم سابك ساره بذهول ....ايه انتى بتقولى ايه يانادين انتى هربتى من البيت فعلا نادين بتأكيد ..... ايوه ياساره عندى صفقه فى مصر هنا واستغليت الفرصه واقنعت يوسف أنه يساعدنى ساره بتساول .... طيب وليه تعملى كده نادين ... أنا لازم اعرف السر عشان ارتاح لازم افهم كل دا ليه ليه احنا بنهرب ... ومن مين بنهرب ... وايه اللى حصل لدرجه انى ادهم يسيبك ساره باانهيار .... فوقى بقى يانادين ادهم سابنى عشان هو مش عايزنى هو زهد مش اكتر ... مهما كان اللى حصل دا عمره ما يجبر واحد يسيب وحده بيحبها يسيب وحده وهو عارف أنه بالنسبالها كل حاجه = لو فعلا زى ماانتى بتقولى ياساره كان راح اتجوز ولا ارتبط بى اى بنت بعدك بس هو حتى مش بيبص على اى بنت من يوم ماسبتو بعض .... لتكمل نادين حديثها بثقه لو مش بيحبك ماكنش هايعين واحد يحرسك كل السنين دى ويبلغه بكل تحركاتك ساره بصدمه .... نعم؟؟؟؟!!!! يحرسنى ؟؟؟؟؟!!!!!!! flach back تتدخل نادين غرفه ادهم لتحدثه فى امور الشغل ....لتجد يتحدث مع شخص بعصبيه فضولها جعلها تقف لتعرف من هذا الشخص ادهم بعصبيه .... ومين الحيوان دا اللى ع**ها وانت مادفنتوش مكانه ليه الطرف الآخر :- حضرتك أنا فعلا ض*بته ومااظنش أنه هايفكر يعملها تانى ادهم وكاد أن يفقد سيطرته .... مش كفايه انك تتض*به دا كان لازم تموته ليضيف ادهم بتحزير ..... تعرف لو ساره حصلها حاجه مش هايكفينى موتكم كلكم فاانا بحذرك خلى بالك منها واللى يضيقها موته من غير ماتفكر الطرف الآخر :- حاضر يافندم back ساره بصدمه .... ايوه فعلا أنا فاكره انى فيه واحد كان بيضايقنى جدا وفجاه لقيت شخص غريب جاء ض*به ودافع عنى ...لا مش معقوله دا يكون باعته ادهم نادين :- فهمتى بقى انى فعلا ادهم بيحبك ... أنا جيت عشان افهمك واطلب منك كمان انك تساعدينى عشان نكشف الحقيقه .... ساره انتى لسه بتحبى ادهم وعايزاه صح ساره بعشق .... بحبه بس !!!! أنا بعشقه وكل يوم بشتاق لوجوده اكتر بس مش قادره اسامحه على اللى عمله فيا نادين :- اكيد السبب كان قوى ساره :- أنا موافقه يانادين اساعدك لتعانقها نادين وهى تقول .... أنا كنت متاكده من كده عشان عارفه صديقه الروح مش هاتستحمل تشوفنى زعلانه وتتخلى عنى لتعانقها ساره هى الأخرى ... انتى صديقه الروح وهاتفضلى صديقه الروح ... هاتفضلى صديقتى وحته منى مهما حصل بينا نادين :-. يالا بقى عشان الوقت اتاخر أنا رايحه الفندق ساره بدهشه .... فندق ايه !!!!! نادين :- اللى هاقعد فيه لغايه ما اسافر ساره بعصبيه .... انتى ع**طه يابت انتى يعنى يبقى بيتى موجوده وتروحى تنامى فى فندق نادين بطفوله .... الصراحه كده انا كنت حاسه انك مش هاتستقبلينى اصلا وهاتقفلى الباب فى وشى ...عشان كده اتصلت وحجزت فى فندق ساره :- طيب يالا بطلى هبل واتصلى ألغى الحجز بلا فندق قال نادين باابتسامه :- حاضر &&&&&&&&&&&&& واما فى هذا البيت الملئ بالتوتر كان يجلس صلاح وجميله وهما على أعصابهم جميله :- أهدى ياصلاح الموضوع عدى عليه سنين واكيد مافيش حد بيدور على انتقام وكله عارف أنه انت ماكنش قصدك وكله غظب عنك صلاح بعصبيه .... أهدى !!!! أهدى ازاى انتى عارفه لو نادين وقعت تحت ايديهم ايه اللى هايحصل مش هايترددو لاحظه أنه يموتوها ليرتعش قلب جميله عندما تخيلت أن يكون صاب نادين أذى يوسف وهو يحاول أن يهدى من خوف والده .... يابابا ماحصلش حاجه دى راحت تخلص صفقه وجايه وبعدين ماهى علطول بتسافر صلاح بعصبيه .... اخرس انت كله بسببك انت اللى ساعدتها اختك لو حصلتلها حاجه هايكون بسببك ....بدال ماتحمى اختك تروح توديها للموت يوسف بعصبيه وغضب فاهو لا يستطيع أن يتحمل اتهام والده له ...... على فكره زى ماانت بتحب نادين أنا كمان بحبها وبعدين احميها من ايه انت طول الوقت ماعيشنا فى رعب من حاجه مجهوله لو خايف علينا فعلا قولنا وفهمنا عايزنا نعيش طول الوقت مرعوبين وبنهرب واحنا مش عارفين بنهرب ليه ... بنبعد عن كل اللى بنحبهم ومالناش الحق حتى نسأل عن السبب .... احنا ليه نتخلى عن أحلامنا عشان سبب احنا مانعرفوش... نادين ماكنتش صغيره لما خليتها تبعد عن أصحابها وكل حياتها من غير حتى ماتعرف السبب .... حتى الكليه اللى بتحلم بيها انت رفضتها ... لغايه امتى احنا هانفضل نعيش فى الرعب دا احنا لازم نواجهه مخاوفنا عشان نقدر نتخلص منها لي**ت صلاح لانه يعلم أن يوسف على حق. .... وأنه الكل بيتعاقب على غلطه هو عملها ليلاحظ يوسف قساوته على أبيه ليقول يوسف بخجل ..... أنا آسف يابابا على كلامى وعلى طريقتى فى الكلام صلاح بحزن ..... انت مش غلطان يايوسف انت معاك حق أنا حرمتكم من حاجات كتيره وكله بسببى جميله بوجهه خالى من التعبير ...... يوسف ادخل اوضتك = بس ياماما جميله بعصبيه .... أنا قولتلك ادخل اوضتك ليذهب يوسف بخجل من طريقته مع والده لتضع جميله يديها فى ايد صلاح وهى تقول .... لو كل الدنيا قالت انك غلطان أنا هافضل دايما شايفاك احسن راجل فى الدنيا واحسن زوج واحسن اب ....لانى واثقه فيك وعارفه انى طول عمرك بتساعد الناس وعمرك ماقصدت انك تاذى حد ... أنا عارفه أنا متجوزه مين كويس .. أنا متجوزه اطيب راجل فى الدنيا ....يمكن هما نفسهم مايعرفوش انت بتحبهم كد.ايه بس انا عارفه ومطمنه انى نادين هاتكون بخير لانى احنا طول عمرنا واحنا بنساعد الناس وبنحب الكل اكيد ربنا مش هايرضى انى يجرحنا لانه لوحده بس اللى عارف الحقيقه ولم تشعر الا وصلاح يعانقها بضعف وكأنه طفل يرتمى فى حضن والداته وليس شخص تجاوز ٦٠ من عمره ( يظن البعض انى عندما ننضج تقل حاجتنا للحنان والحب ولكن هذا ليس صحيح فابداخل كل شخص مهما كان عمره فهو بداخله طفل لن ينضج ابدا ودائما يحتاج للحب والحنان ) صلاح بحزن :- شكرا على وجودك جنبى أنا مش عارف انا من غيرك كنت هاعمل ايه هما دايما بيقوله انى الراجل سند للمراه بس شايف الع** شايف كل مابقع بلاقى ايدك بتسندنى .... عددت سنين كتيره على جوازنا بس فى كل يوم بحبك اكتر من اليوم اللى قبله ....انتى الحاجه الحلوه اللى فى حياتى لتبتسم جميله بخجل .... أنا كنت قربت انسى انك بتعرف تقول كلام حلو وانا اقول يوسف طالع لى مين ليبتسم صلاح بحب وهو يقول .... عارف انك بتعملى كل حاجه عشان تهدينى يااونى انتى قلقانه اكتر منى جميله .... احنا هانكلم نادين دلوقتى ونطمن عليها ... ومش لازم انى نحرم أولادنا من سعادتهم عشان غلطه قديمه عدددت عليها سنين واكيد الكل نسيها ...لو كانو فعلا عايزين ينتقمو كانو انتقمو من زمان وبعدين الكل كان عارف انى دى غلطه مش مقصوده ... اكيد كله نسى الموضوع واحنا كمان لازم ننسى ونتعامل طبيعى ... ماينفعش نحبس أولادنا بطريقه دى عشان مايتجبروش يعملو حاجه غلط ...اكيد لو كنا اتكلمنا مع نادين براحه ماكنش هايحصل كل دا ... بس ماتخافش نادين قويه قوى ومش سهل حد يلعب بيها ليخرج يوسف وهو يقول بنبره سريعه .... بابا بص انا قليل الادب ومش محترم واض*بنى عشان أنا استاهل كل دا عشان رفعت صوتى عليك ومقدرتش حتى انى انت اب وخايف وعلى بنتك ... وانا واحد غبى خليت اختى تروح للخطر .... أنا آسف يابابا ماتزعلش منى ..أنا واحد فاشل اصلا ليبتسم له صلاح .... ومين قالك انى زعلان منك أنا سكت عشان حسيت انى كلامك صح ... ومن جهه انت قليل الادب فااحنا كلنا عارفين كده مش جديد علينا ... بس انت احسن ابن فى الدنيا كلها واوعى فى يوم تفتكر انى بشوفك فاشل بالع** أنا شايفك اكتر واحد ناجح فيهم.... ماتستغربش انت دايما بتنجح انى ترسم الابتسامه على وجوهنا ودى حاجه مش سهله ليقاطعهم صوت رنين الهاتف يوسف وهو ينظر الى شاشه الموبايل باابتسامه ..... دى بتاعت المصايب بتتصل تتطمن لسه عايش ولا موتونى جميله بلهفه وهى تأخذ الموبايل ..... نادين ياترا ايه هايكون رددت فعلا صلاح وجميله ؟؟؟؟ انتظرو البارت القادم بقلم :- Enas Shenoua

Free reading for new users

Scan code to download app

App Store Google Play

Facebookexpand_more