البارت الثالث 💕

2376 Words

نادين ..... هااا ياايوسف هتساعدنى ولا ايه يوسف بنفاذ صبر ... يااستى خلاص قولتلك هساعدك بطلى زن بقى شويه صدعتينى من الصبح نادين وهى ترفع حاجبيها بدهشه ... أنا برضو اللى صدعتك .... ماعلينا قولى هاتعمل ايه ؟؟؟؟!!! يوسف بتكبر .... هاطلع من البيت بى الشنطه وفى وجود بابا وماما كمان نادين بااستغراب ..... نعم !!! ودا ازاى انشاء الله ... انت واحد متخلف وشكلك هاتفضحنا = بقى كده طيب روحى شوفى مين هيساعدك نادين برجاء ... لا لا دا انا المتخلفه هو فيه زى يوسف وحلاوه يوسف وذكاء يوسف ... لتهمس بعدها بصوت منخفض ... يارب سمحنى على كميه الكذب دى يوسف ... .. طيب وايه الجديد ماانا عارف انى اذكى واحد فى البيت دا = طيب قولى يااينشتين ايه الخطه يوسف بتردد ... اصلى لو قولتلك هاتعملى فيها البنت المحترمه والكويسه .... وتقوليلى لا وانا الصراحه ماعنديش طريقه غير دى .... واكيد يعنى مش هاروح انط من الدور الرابع واموت عشان خاطر حضرتك نادين بخوف ... قول ربنا يستر بس عشان أنا عارفه خططك يوسف وهو يغمز لى نادين .... هاحطلهم منوم فى الشاى نادين بصوت عالى ودهشه .... يخرب بيتك هاتحط لى ابوك وامك منوم انت اهبل يااد يوسف بعصبيه .... عالى صوتك كمان لسه فى واحد من الجيران ماسمعش ... ماتروحى تبلغى عنى احسن .... دا اللى عندى مش عاجبك خلى حد غيرى يساعدك ياشاطر نادين بتردد... بس انا خايفه يحصلهم حاجه بسببى يوسف وهو يضحك ... هما وحظهم بقى = نعم ؟؟!!!!! يخرب بيتك يوسف وهو يضحك ..... يابت انتى هبله هو أنا لقيونى على باب جامع ماهما اهلى برضو يامتخلفه اينعم أنا مختلف عنكم ودا بفضل ربنا طبعا ... بس اكيد بحبهم ومش هاضرهم .... وبعدين أنا هاحطلهم كميه قليله خالص يدوب هاينمو نص ساعه وانا نفسى بااخد منه لما مايكونش جالى نوم ..... وبعدين دى مش اول مره نادين بااستغراب .... يعنى ايه مش اول مره يوسف وقد اكتشف أنه وقع منه الكلام بدون قصد .... اصلى الصراحه أنا حطيت منه لى ابوكى قبل كده عشان اقدر أخرج مع اصحابى نادين وهى تمسكه من أذنيه بشده .... تعرف انت استنى بس لما اخلص الصفقه وارجع هاعرف اربيك كويس يوسف بضحك .... يااختى جتك نيله تربى ايه دا انتى بتخافى من النمله ... وبعدين انتى اصلا ازاى تتكلمى معايا كده دا انا بقى عندى 21 سنه مش فاهم ليه مش مقتنعين بى دا وكلكم بتعاملونى على اساس طفل ... دى امك ناقص ترضعنى ... = عشان انت اهبل واحد فينا يوسف .... انتو كده عيله مالهاش فى الطيب نصيب = المهم دلوقتى انت متأكد انى مش هايحصلهم حاجه يوسف وهو يهمس بصوت منخفض ....لا هما كده كده هايحصلهم لم يعرفو انك سافرتى مصر ... ويقعدو يق*فونى أنا نادين .... ايه بتقول حاجه ؟؟!!! = لا ياحبيبتى يالا غورى على الشركه صدعتينى انتى وامك على الصبح اروح اشوف ابوكى بالمره عشان يصدعنى هو كمان عشان ابقى خدت الجرعه اليوميه من الصداع .... صحيح عيله تعمل ارتجاج فى الدماغ ..... مش عارف ايه العيله دى يارب نادين :- عيل تافه لتتحول ملامح يوسف ويظهر الحزن فى صوته .... نادين اوعدينى انك تخلى بالك من نفسك ماتخلنيش اندم انى ساعدتك .... أنا اصلا مش متخيل شكل البيت من غيرك هايكون عامل ازاى .... انتى اغلى حاجه فى حياتى فاارجوكى خلى بالك من نفسك .. أنا بحبك قوى لتنهمر دموعها وتحضنه بقوه ..... وانا كمان بحبك قوى يوسف وهو يحاول أن يغير الموضوع .... أنا مش عارف ازاى العيوطه دى تبقى سيده اعمال ؟؟؟!!!! نادين وهى تبعده عنها بحركه طفوليه. .... ابعد عنى يااد انت غلس ماينفعش تتكلم جد خمس دقايق على بعض. يوسف بكبرياء .... اصلا لو أنا اتكلمت بجد البيت دا هايبقى كائيب وغلس ومالهوش طعم زى المكرونه بتاعت امك $$$$$$$$$$$$ وفى منزل سيف ..... كانو يجلسون يتناولون الطعام ... والكل ينظر الى سيف بااستغراب نسمه بتساول ... سيف هو انت حاصل معاك حاجه سيف وهو يرفع حاجبيها بااستغراب ..... ليه بتسالى ؟؟؟؟!!! نسمه بفضول .... اصلى انت اول مره فى حياتك تبقى تبتسم وانت بتفطر حاسه انك مبسوط زياده .... خير فيه حاجه فرحنا معاك ليلاحظ سيف على نفسه حقا فاهذه أول مره من بعد وفاه اهله يستيقظ وعلى وجهه مثل هذه الابتسامه ..... فهو لا يعلم لماذا منذ أن حدثته تلك الفتاه وهو يبتسم كأنها اخذت عنه الوجع الذى كان يحمله طوال هذه السنين ليتذكر حديثها وتزداد ابتسامته لينظر الجميع إلى بعضهم بااستغراب ليتحدث عا** بااستغراب ..... سيف ياابنى انت كويس ؟؟!!! سيف بااختصار .... كويس ياعمى ليخرج موبايله ويبعث رساله . = لو ماعندكيش مانع انى نتكلم فى الليل زى امبارح ومن الجهه الاخرى نادين التى كانت تقرأ الرساله باابتسامه فهى أيضا لا تعلم لماذا شعرت بكل هذه السعاده عندما بعث لها هذه الرساله وكانه بينهم رابط غريب .... لتسرع نادين بالموافقه منال بدهشه ... لا وكمان ماسك الموبايل على الأكل ... مش دا نفس الشخص اللى كان بيتخانق مع نسمه عشان بتمسك الموبايل على الأكل لترد عليها نسمه ..... لا يامرات عمى مش هو نفس الشخص التانى كان علطول مكشر وزعلان ليبتسم سيف .... طيب لغايه ماتعرفو هو ولا لا أكون روحت الشغل وجيت ... ليذهب سيف ويتركهم فى حيره من هذا التغير المفاجئ منال بجديه .... انتى يابت يانسمه = ايوه يامرات عمى منال وهى تتحدث كأنها ظابط فى الشرطه .... احنا لازم نشغل الحس الأمنى بتاعنا ونعرف الواد سيف ايه اللى غيره كده لتحاول نسمه هى الأخرى أن تقلدها .... بصى يامرات عمى أنا حسى الأمنى بيقولى انى الموضوع فيه وحده ..... شكله الحب هايولع فى الدره قريب ليضحك عا** وهو ينهض ... أنا قايم دى العيله كلها شكلها اتجنننت .... أنا هاروح اكلم مراد عشان اخليه يرجع عشان لو فضلنا على الحال دا الشركه هاتفلس يمكن سيف يسمع منه ويرجع عن اللى فى دماغه مراد .... وهو ابن عا** ومنال ... وهو فى نفس عمر سيف ويشبه سيف بشكل كبير فمن كان يراهم مع بعض يظن أنهم توائم ....يتميز بعيونه السودا وبشرته البيضاء نسبيا وشعره الكثيف .... وقامته الطويله لتلمع عيون نسمه عندما ذكرو مراد لتقول بلهفه وحب .... ايه دا بجد مراد هايجى ليرد عليها عا** .... ادينى رايح أكلمه ليذهب عا** لتنظر منال لى نسمه وهى تحاول أن تقلدها بطريقه كوميديه ..... بجد مراد هايجى ياعمى ليحمر وجهه نسمه من الخجل ..... ايه يامرات عمى مش واد عمى وزى اخوى لازم اكون مبسوطه أنه هايجى لتغمز لها منال ..... اخوك أااه ماانا عارفه !!! نسمه بخجل .... قصدك ايه ؟؟؟!! = يابت اتقلى شويه مراد دا ابنى وانا عارفه كويس طول ماهو شايف لهفتك دى مش هايعبرك نسمه بتزمر ..... طيب اعمل ايه معاه ماانا تعبت معاه وهو غبى ومش بيفهم منال :- بنت احترمى نفسك نسمه بااسف ... اسفه نسيت أنه ابنك لتبتسم لها منال وهى تقول .... اسفه على ايه ماهو فعلا غبى ومتخلف ... بس انتى متخلفه اكتر منه .... يابت اتقلى كده واتعاملى معاه ببرود وهتلاقيه جالك زى الكلب يعترف بحبه ليكى لتقف نسمه بفرح وتعانق منال ..... حقيقى أنا عمرى ماشوفت مرات عم بالحلاوه والطيبه دى .... دى لو ماما الله يرحمها عايشه ماكنتش هاتعمل معايا كل اللى انتى بتعمليه معايا =. ياهبله انتى وسيف عيالى عمرى مافرقت بينكم وبين مراد $$$$$$$$$$$$$$$$$ ومن الجهه الاخرى فى منزل صلاح يوسف :- استنى ياماما أنا اللى هاعمل الشاى لينظر له كلا من جميله وصلاح بااستغراب !!!! يوسف :- ايه مالكم هو أنا قولتلكم رايح اقتل حد دا انا رايح اعمل شاااى جميله وهى تتضع يديها على جبهته ..... انت سخن ياابنى ولا ايه ... دى اول مره دا انت بتصحينى من النوم مخصوص عشان اعملك شااى ليرد يوسف باارتباك ..... لا اصلى شوفت طريقه مختلفه بيتعمل بيها الشاى وجربتها طلعت تحفه وعايزكم تجربوها صلاح :- خلينا نشوف الشاى المختلف اللى هاتعمله ليذهب يوسف وهو يهمس بينه وبين نفسه ..... هو ربنا واقف معايا زياده ... ولا دى المكرونه بتاعت امى عملت مفعولها معاهم ... هما ازاى صدقو الهبل اللى أنا قولته دا ؟؟؟!!!! طريقه ايه الجديده اللى هاعمل بيها الشاى .... يعنى هاحط كفته بدال السكر ولا هاسخن الشاى على نار الحب .... لا وقال ايه بيقوله عليا انى غبى وبعد عددت دقائق بالفعل ذهب صلاح وجميله فى نوم عميق ... وخرج يوسف وهو يحمل شنطه نادين.. وهو يقول لنفسه أنا مش عارف اللى بعمله دا صح ولا غلط ...اكيد فيه سر خطير فى مصر. عشان كده بابا هرب من مصر ... بس مش فى ايدى حاجه اعملها نادين عنيده سوا ساعدتها ولا لا فهى برضو هاتعمل اللى فى دماغها ... وانا عارف انى لما يعرفو اكيد هايلمونى أنا على كل حاجه حاجه ...حتى أنا هالوم نفسى لو نادين حصلها حاجه .... بس انا مش هاقدر امنعها ... الحل الوحيد انى اخليها تسافر وبعد يومين اسافر وراها كده اضمن أنها فى امان وبعد حوالى نص ساعه يصل يوسف ... ونادين فى انتظاره نادين بجديه ..... يوسف اسمعنى أنا سايبه راجل مش عيل فى الشركه أنا عارفه انك مش بتحب شغل الشركات بس اكيد مش هايهون عليك تعبنا كل السنين دى يروح ..... مش كل اللى فى الشركه ناس كويسه فيه ناس مستنيه الفرصه المناسبه عشان تتدمر الشركه فاانت ماتسمحش لحد يعمل كده ليرتبك يوسف من حديثها .... انتى ليه بتقولى كده ؟؟!!! نادين انتى مش هتتاخرى صح ؟؟؟ اوعى تكونى بتبعدى عننا وناويه تستقرى فى مصر نادين وهو تحاول أن تلطف الجو....انتى غبى ياااد ابعد اروح فين أنا مقدرش استغنى عن رخامتك اصلا ... أنا بس هاخلص الصفقه واجى علطول يوسف .... نادين خلصى الصفقه وتعالى ماتحوليش تعرفى ايه السر اللى فى مصر ارجوكى أنا خايف عليكى اومات له برأسها وهى تقول .... مااشى ياايوسف ليودعها يوسف ويشعر أن قلبه يعتصر من قلقه عليها ... فهو لا يعلم ما الخطر الذى ينتظرها هناك ... ولكن يعلم أن أخته قويه ولكن لا يستطيع أن يسيطر على قلقه .... لتودعه نادين باابتسامه حزينه فهى تعلم أن الكل يلوم يوسف على هذا ... ولكن هذا السر جعلها تتالم كثيرا وحان الوقت لكشفه &&&&&&&&&&&&& لتجلس نسمه باارتباك تنتظر قدوم مراد .... لتسال منال بالهفه ..... مرات عمى هو مراد هايجى امتى ؟؟؟ لتبتسم منال على طفولتها .... هو فى الطريق حاليا لتهب نسمه من الفرحه كالمجنونه ... بجد واخيرا !!! منال بخيبه امل ... عمرك ماهتتعلمى ... يابت اتقلى واسمعى منى دا انا خبره ... عمك دا كان بتاع نسوان ومالهوش فى الجواز بس على مين خليته يجرى ورايا سنين ويوم ماحنيت عليه وكلمته قولتله تعالى اتقدملى ... كان فرحان زى المجانين وجاء اتقدملى فى نفس اليوم نسمه بصدمه .... ايه دا اول مره اسمع الكلام دا !!!!!! بجد عمى كان بتاع بنات !!!!!! وكان بيجرى وراكى دا انتى طلعتى خبره يامرات عمى منال بثقه .... امال ايه ياعيونى ... اصلى الرجاله مالهاش غير كده ...الدلع والسهوكا دى مش بتجيب معاهم ... دول كل ماانتى تقربى هما يبعدو انتى تبعدى هما يقربو نسمه بحزن ...بس انا مش قادره ابعد عنه أنا بحبه قوى دا انا من وقت ماعرفت أنه هايجى مش قادره اتلم على اعصابى ... كأنى كنت عايشه من غير روح وأخيرا روحى هاترجعلى الحياه من غيره مالهاش طعم .... واحشنى قوى يامرات عمى وحشنى فوق ماتتخيلى منال بصدمه من طفلتها الصغيره .... بنت يانسمه يخرب بيتك اتعلمتى الكلام دا فين ؟؟؟!!!! واحنا اللىى فاكرين انك صغيره ومالكيش فى حاجه نسمه بطفوله .... ماهى دى المصيبه انى كلكم شايفينى لسه صغيره شايفينى الطفله اللى عندها ٩ سنين ومش بتكبر لتحضنها منال بحب وهى تقول .... بس احلى طفله فى الدنيا كلها .... وعلى فكره الواد مراد بيحبك قوى نسمه بحزن .... بيحبنى ازاى وهو لسه بيشوفنى طفله صغيره وبيعملنى زى مايكون بنت صغيره لتبتسم منال .... ياهبله دا هو دا الحب بعنيه ... انى يعامل حبيبته أنها بنته مهما كانت كبيره ..يعاملها انها طفله صغيره ...يعاملها أنه ابوها وأنه سندها وقوتها فى الحياه انتى مش بتشوفيه كان بيعمل ايه لما حد فى المدرسه كان يزعلك ....كان بيقلب الدنيا دا بيخاف عليكى خوف الجنون ...يبقى ازاى مش بيحبك ؟؟!!! لترد نسمه بحب وعشق .... هو فعلا بيخاف عليا كأنه بابا بس لو بيحبنى ليه عمره مابين ولا قالى = عشان هو نفسه مش عارف أنه بيحبك !!!!!!!! لترفع نسمه حاجبيها بااستغراب .... نعم دا ازاى يعنى يكون هو مش عارف أنه بيحبنى ؟؟؟!!!!!! = لانه هو متعود انك زى أخته اتعود على الكلمه ....فهو بالنسباله دا طبيعى ودا حب اخوات ...هو مش فاهم أنه بيعشقك وميقدرش يعيش من غيرك نسمه :- طيب ما يمكن هو فعلا بيعتبرنى أخته ؟؟؟!!!! منال :- فاكره يانسمه يوم ماتعبتى وجالك هبوط ...اليوم دا مراد كان هايموت عليكى وكان قلقان اكتر من سيف حتى ... وكان واخدك فى حضنه كأنك حتت جوهره خايف أنها تتضيع منه ...يوميها شوفت فى عيونه مش حب دا عشق ...ولما فوقتى بصيت عليه حسيت ملامحه اتغيرت وكانى رددت فيه الروح نسمه بطفوله .... بس وقتها لما فوقت فضل يزعق فيا ولم عليا المستشفى كلها وكان بيزعق فيا عشان مش بااكل كويس فى حد يعمل كده بزمتك مع حد بيحبه لتبتسم منال وهى تقول ....دلوقتى بس اتاكدت أنك طفله وطفله هبله كمان ... ياهبله دا من كتر حبه وخوفه عليكى انتى ماشوفتيش حالته كانت عامله ازاى نسمه باامل .... يارب يارب يامرات عمى يكون كلامك صح = لا متخافيش انا واثقه من دا بس خليكى معايا انتى عشان نعلمه الادب ويجى يعترف لوحده زى الكلب نسمه بطفوله ..... بصى نعلمه الادب وكل حاجه بس مش النهارده عشان هو واحشنى قوى ومش هاقدر استحمل انى اتجاهله ولا اعمل اى حاجه غير انى افضل متنحه فيه اليوم كله منال بقله حيله ... هبله هو كده انتى هبله وهاتفضلى هبله مش هاتتغيرى .... ربنا رزقني بتلات عيال اهبل من بعض نسمه :- هبل هبل بس نعيش &&&&&&&&&&&&& وبعد عدده ساعات تصل نادين لى مطار القاهرة ... شعرت براحه لم تشعر بها من قبل تشعر بالهفه والاشتياق. الى تلك الأرض التى عاشت فيها اجمل ايام حياتها ....وهااا يمر أمامها شريط ذكرياتها .... منزلها الصغير واصحابها ومدرستها وهااا كل هذا يمر أمامها لتنزل دموع الاشتياق على خدها وهى تحدث نفسها .... ياريت لو بابا وماما وادهم ويوسف كلهم معايا دلوقتى الحياه من غيرهم هاتبقى صعبه كادت أن تتضعف عندما تذكرت كيف يكون حالتهم الان ؟؟؟ لتتذكر بعدها كلام ادهم وهو يقول لها .... عشان نتخلص من كابوس فى حياتنا لازم نواجهه مهما كلفنا الأمر ....بس لازم الاول نعرف سبب الكابوس دا عشان نقدر نتغلب عليه ... بس اوعى تفتكرى أنه من السهل انك تتخلصى من كابوس فى حياتك دا انتى الاول لازم تجمدى قلبك وتقدمى تضحيات وتتضحى براحتك موقتا..... عشان تقدرى تتخلصى من الكابوس اللى فى حياتك وتعيشى فى راحه طول عمرك لتمسح دموعها سريعا وتقف بثقه ... أنا جيت هنا عشان اتخلص من الكابوس اللى فى حياتى جيت عشان اعرف الحقيقه ولازم اعرفها بااى طريقه ولكن هل ياترا ساتتخلص من الكابوس ام ستواجه كابوس اخر اصعب ؟؟؟؟؟؟ ياترا ايه الكابوس اللى فى حياه نادين؟؟؟ وياترا هاتتخلص منه فعلا ولا هاتقابل كابوس تانى اصعب؟؟؟ وياترا مراد هايكون فعلا بيحب نسمه ولا لا ؟؟؟؟ انتظرو البارت القادم بقلم :- Enas shenouda

Free reading for new users

Scan code to download app

App Store Google Play

Facebookexpand_more