البارت الثانى 💕

2142 Words

سيف وهو يتحدث بغضب فى الهاتف .....يعنى ايه مش فاهم يعنى ايه مش لاقيه في حته انشقت الأرض وبلعته يعنى ؟؟؟!! سنين بتتدور عليه ولغايه دلوقتى مش عارفين تلاقوه ليرد الطرف الآخر بالارتباك .....احنا اسفين يا سيف باااشا بس حضرتك احنا مش قادرين نعرف عنه اى حاجه غير اسمه وبس ودورنا كتير بس مش لاقين ليه اثر ليصل سيف الى قمه غضبه .....أنا اللى مش هاخلى ليكم اثر لو ماجبتهوليش قدامى فى أقرب وقت &&&&&&&&&& وفى منزل نادين .... كانت تجلس جميله بجوار نادين وهى تحاول أن تخفف من غضب نادين جميله ....أهدى يابنتى واعقلى مصر ايه اللى عايزه تروحيها ...بلاش تعاندى ابوكى هو خايف عليكى = ايوه ماانا عايزه افهم بقى هو خايف عليا من ايه بظبط ...أنا مش صغيره ومن حقى افهم لتلمع عيونها بدموع وهى تقول ...ياماما أنا من حقى افهم ليه كل حاجه بحبها بتبعدونى عنها وتقوله عشان خايفين عليا ...أنا بعدت عن اصحابى ومبقاش ليا أصحاب عشان انتو خايفين عليا حتى الكليه اللى بحبها ماخلتونيش ادخلها عشان خايفين عليا ..رغم انى مش فاهمه ايه اللى يخوف فى كليه طب ...اى اب وام بيتمنو انى عيالهم يطلعو دكاتره ...وبعدين مش بابا اللى زرع جوايا الحلم دا من صغرى لتمسك نادين فى يد والداتها ودموعها مازالت تتساقط ....ياماما أنا من حقى افهم أنا ليه كده ؟؟ ليه خلتونى ابقى بشكل دا ؟؟!! أنا مش عايزه كل دا انا عايزه اضحك واللعب وأجرى واعمل اللى أنا عايزاه براحتى من غير مايكون فيه رقابه عليا ...عايزه يكون عندى أصحاب واهزر واتجنن معاهم ...وعايزه لما ازعل ابكى براحتى من غير مااخاف على شكلى قدام الناس ومن غير ماابص حوليا اشوف حد شايفنى ولا لا ... ياماما أنا فيه مليون سوال جوايا ومش لاقيه الاجابه ليه بابا ساب الطب رغم أنه كان دكتور ناجح وكان بيحب شغله جدا كان شغله اغلى حاجه فى حياته ؟؟!! وليه احنا بنهرب ؟؟! ومن مين بنهرب ؟؟!! وليه كل شهر بنعيش فى مكان مختلف ؟؟! وليه ممنوع نفكر انى ننزل مصر ؟؟! ارجوكى ياماما جابوينى انا تعبت بجد لتلمع عيون جميله بدموع ....غصب عنى يابنتى أنا مش هاقدر اشرحلك حاجه لكن كل اللى هاقدر اقولهولك انى ابوكى بيحبكم قوى وكل حاجه بيعملها عشان خايف عليكم هو مش قاسى زى ماانت متخيله كل حاجه حصلت غظب عنه ...هو كان مجبور انى يهرب عشان خايف عليكم انتو كل حياته ولو حصلكم حاجه هايفضل عمره كله يتعذب ..... ابوكى مش وحش وعمره ماقصد يااذى حد بس النصيب هانعمل ايه لتمسح نادين دموعها .....أنا عارفه كد ايه بابا بيحبنا بس انا مش بخاف وهاعيش حياتى اللى أنا عايزاها تحت اى ظروف مهما كانت =. تقصدى ايه انتى ناويه تعملى ايه ....نادين أنا دايما بقول عليكى عاقله اوعى تعملى حاجه تزعلنا منك نادين بااختصار ... لا ياماما ماتخافيش جميله وهى تنهض ....طيب ياحبيبتى كلمى ادهم خليه يبعت حد عشان يخلص الصفقه اللى بتقول عليها فى مصر = حاضر ياماما وبعد خروج جميله تتحدث نادين مع نفسها وعلى وجهه علامات التحدى والإصرار ...... لا ياماما أنا مش هاكلم حد أنا مش صغيره الصفقه دى أنا اللى هاعملها وانا اللى هنزل مصر .....مش نادين اللى تخاف من حاجه مجهوله ...وهافضل اعمل كل حاجه مانعينى منها لغايه ماتتجبرو تقلولى ايه السر اللى مخبينه عنى ويمر اليوم سريعا بدون اى جديد..... لتجلس نادين تتصفح موبايلها بملل لتجد أحد المنشورات الحزينه .. لا تعلم لماذا هذا المنشور بالتحديد لمس قلبها ..فاربما لأنها شعرت بحزن صاحبه ... حاولت أن تتجاهل المنشور ولكن فضولها جعلها تتدخل على هذا الشخص تريد معرفته ولكنها فشلت فهو لايضع اسم حقيقيى ولا يضع صوره شخصيه له ربما لا يريد اظهار هويته ... ربما هذا الشخص يريد اخفاء هويته عن الجميع لا تعلم لماذا شعرت أنا هذا الشخص يشبهها .. فهى أيضا لا تضع صوره وتتضع اسم مزيف فهى لا تريد أحد معرفه هويتها لتستطيع نشر ما بداخلها بدون رقابه من أحد وبدون وعى وجدت نفسها تكتب رساله لهذا الشخص المجهول = أنا مش عايزه اعرف هويتك ايه لانى انا كمان مش عايزاك تعرف هويتى ... لكن اظن انك محتاج صديق فى حياتك تحكى معاه زى ماانا كمان محتاجه صديق احكى معاه ليرد الطرف الآخر بقلب يكاد يقف من سرعه ض*باته ...فهذه أول مره قلبه يدق بهذه الطريقه ..لا يعرف لماذا ..وهذه اول مره أيضا أحد يبعث له مثل هذه الرساله لا يعلم من هذا الشخص المجهول ولكنه كل ما يعلمه إنه فى حاجه لى صديق يحكى له بدون رقابه ... فهو فى حاجه شديده أن يظهر ضعفه لى أحد ولكنه يخشى أن أحد يستغل هذا الضعف لهذا السبب كان يحتفظ بى ضعفه لنفسه ...ويظهر دائما القوه فقط ... وكيف لى سيف الشرقاوى اخطر رجل اعمال فى البلد أن يظهر ضعفه لى أحد .... وبعد وقت من التفكير قرر أن يرد على تلك الرساله التى خ*فت قلبه = انتى بنت صح ولا وانا غلطان ؟ لترد نادين بااختصار .... ايوه = طيب مش خايفه انى استغل دا واقول انك جيتى برجلك نادين بثقه ... وعلى اساس انى هاسمحلك اصلا وعلى العموم أنا غلطانه انى دخلت كلمتك افتكرت انك محتاج صديق تحكيله بس طلعت غلطانه انت عايزه وحده تستغلها = استنى بس براحه أنا مش قصدى حاجه وعلى العموم أنا فعلا محتاج صديق احكيله لترد نادين برساله مختصره = احكى وكانه قلبه كان فى حاجه لى هذه الرساله ليطلق صراح ما بداخله من وجع وحزن وقهر ... ليحكى لها كيف مات والده وبعد عددت شهور قليله ماتت والداته التى حزنت كثيرا على زوجها ومن كثر الحزن ماتت ... ويحكى لها الكثير والكثير ... يحكى لها عن اوجاعه الذى يحاول أن يخبيها عن الجميع ويظهر لهم القوه فقط لتنهمر دموع نادين تأثيرا بهذه القصه الحزينه لتشعر بشفقه وهى تتخيل كيف كانت حياته ... يااه دا انت استحملت كتير قوى = بس مش هاسيب اللى خلانى اعيش الوجع دا كله نادين ... بس هتستفاد ايه لما تنتقم اللى راح مش هايرجع تانى = هو حقيقى مش هايرجع بس النار اللى جوايا هاتخف شويه لترد نادين ... انت غلطان الوجع اللى جواك عشان موت اهلك وبعدهم عنك مش عشان انت مش عارف تنتقم من اللى كان السبب ليستمر الحديث بينهم طوال الليل .. لتحدثه نادين أيضا عن حياتها وكل شئ يخصها ليشعر كل منهم أنه يعرف الاخر منذ زمان طويل .. وكل منهم شعر بالراحه وكأنهم كانو يحملون شئ ثقيل والآن تخلصو منه $$$$$$$$$$$$$$$ استيقظت نادين باابتسامه ونشاط على ع** عادتها يوسف باابتسامه ... ايه دا اختى بتضحك !!!! خير مين مات ؟؟؟!!! نادين وهى ترفع حاجبيها ..... بضحك يبقى مين مات انت اهبل يااد ؟؟!!! = اصلى أنا عارفك انتى مش بتضحكى غير فى اليوم الاسود يعنى اليوم الوحيد اللى ابقى صاحى فيه زعلان تبقى انتى بتضحكى لترد نادين .... وايه بقى يااستاذ يوسف اللى مزعلك = اصلى البنت بتاعتى زعلانه لتبسم نادين ..... وياترا أنهى وحده فيهم أنا علام اتذكر أنهم كانو قربو يوصلو لى الف = ايه دا هو انتى ماتعرفيش نادين بنفاذ صبر ... خير يااستاذ عنتر = بغض النظر عن عنتر لانه مايجيش حاجه جنبى ...المهم كنت عايزه اقولك مش انا فركشت مع كل الأجانب ... اصلى الصراحه زهدت منهم كل حياتهم رومانسيه وانا محتاج اكشن فى حياتى ... وحده كده اتخانق أنا وهى كل شويه وكل يوم تنكد عليا وعلى اللى جابونى واجى اصلاحها اقول كلمه من غير قصد فاتقلب خناقه تانى وكده يعنى الحياه محتاجه اكشن نادين بااستغراب .... يخرب بيتك عملت قصه وانت واقف ... وياترا مين ست الحسن والنكد = مديحه شوايا نادين بصدمه تظن أنها سمعت غلط .... مين !!!!!!! يوسف وهو يضحك بصوت عالى .... لا سمعتى صح ... دا الاسم الحركى بتاعها ... مديحه شوايا ليحاول أن يمثل العشق وهو يقول ... اصلى بتشوى القلوب بحبها لتهمس نادين .... لا وعلى ايه ماتسلقهم احسن يوسف .. . بتقولى حاجه يانادين معترضه ولا حاجه لتضحك نادين بصوت عالى .... لا يااخوى الف مب**ك عقبال ما ترتبط بى سعديه كوبايه ليحاول يوسف أنا يكتم ضحكته ويمثل الجديه .... على فكره مديحه اللى مش عاجباكى دى عليها حتت صوت يخلى الحى يموت !!! ... حقيقى صوتها مق*ف بشكل مش طبيعى كل لما بسمعه ببقى عايز اجيب اللى فى بطنى نادين وكادت أن تستفرغ ... يخرب بيتك جتك الق*ف على الصبح عيل مق*ف ... وايه غاظبك على العلاقه المق*فه دى !!! = اصلى الاجانب كلهم مسكرين ... والواحد تعب من كتر السكر بقى نفسه فى حاجه مق*فه نادين وهى تض*به على كتفه ... غور يااد انت من وشى عيل مق*ف .... انشاء الله ربنا يرزقك بى وحده تتطلع كل القديم والجديد على عنيك ليرد يوسف بكل غرور ... عيب يابنتى اخوكى جامد مافيش بنت تقدر عليه لتتحدث نادين بجديه ..... يوسف عايزاك فى موضوع بجد = ربنا يستر أنا مش بكره فى حياتى كد المواضيع الجد نادين .... يوسف أنا مش بهزر عايزاك فى حاجه مهمه لي**ت يوسف ويتابع حديثها بتركيز يوسف... أنا عايزه اسافر مصر!!!!! بس مش عارفه ازاى أخرج من البيت بى شنطه الهدوم من غير ماحد يشوفنى؟؟؟!! يوسف بصدمه ......انتى مجنونه ايه اللى انتى بتقوليه دا..... انتى عايزه تهربى من البيت!!!!! نادين بطلى هبل نادين برجاء....... يوسف أرجوك افهمني ماحدش هايساعدنى غيرك يوسف أنا مش فاهم ايه أصرارك انك تنزلى مصر نادين ارجوكى بطلى عناد مش كل حاجه هتاخديها بعناد .... اكيد فى مصر فيه حاجه خطيره عشان كده بابا رافض الموضوع .... فاانتى اعقلى ارجوكى وبطلى تهور =يوسف افهمني الصفقه دى مهمه قوى ولو خدنها هانرفع الشركه فى حته تاني ... وادهم مش هنا عشان ينزل مصر ... ولو قولتله انت عارف انى ادهم زى بابا ومش هايوافق انى اسافر مصر .... ومش هاينفع نبعت حد لانى بيقوله انى المدير متكبر ولو بعتنا حد هايفكرو انى مستهترين بيهم وهايرفضو وفيه مليون شركه بتتمنى تعمل الصفقه دى ...واحنا مش هينفع نضيع فرصه زى دى من ايدينا لتكمل كلامها بنبره حزينه ..... اينعم أنا مش بحب الشغل دا وماكنتش حلمى انى اكون سيده اعمال .... بس دا الواقع اللى عايشه فيه ومش هينفع اضيع كل اللى. عملته فى السنين دى .... وحاليا الشركه أرباحها بتقل جدا .... وانا ياايوسف مش هاقف اتف*ج وصفقه زى دى بتتضيع منى والشركه تفلس ...عشان مستنيه اداهم لما يرجع يوسف بتردد...... كلامك مقنع بس ...... لتقاطعه نادين ..... مافيش بس انت لازم تساعدنى يوسف بااستسلام ...... حاضر هساعدك بس ازاى =بص انا هاروح الشركه وهاطلع من الشركه على المطار علطول وانت مهمتك انك تتصرف وتجبلى الشنطه يوسف وهو يرفع حاجبيه.... نعم يا اختي!!!! ودي اعملها ازاى وعمك صلاح قاعد برا ناقص يركب جهاز انذار ؟؟؟؟!!!! نادين وهى تمسكه من أذنيه بشده ..... كام مره قولتلك اتكلم عن ابوك بااحترام يوسف وهو يحاول أن يكتم ابتسامته ......... طيب وبالنسبة لى امك عادى اتكلم عليها براحتى ؟؟؟ اصلى الصراحه هاتموتنى بالمكرونه اللى بتعملها ... والمصيبه بقى أنها مقتنعه أنها بتعرف تعمل مكرونه حلو .... دى مديحه شوايا بتعرف تعمل مكرونه احسن منها لتضع نادين يديها موضع قلبها بطريقه دراميه ..... ااه ياقلبى هاتموتنى ناقصه عمر حرام عليك جبتلى القلب والضغط والسكر يوسف بضحك ليستفز نادين أكثر ....... طيب كويس انى جبتلك السكر ابقى ادينى شويه احطهم فى الشاى بدال ماا ابوكى حرمنى من السكر وكل شويه يقولى السكر مش صحى السكر مش صحى وفى والأول والآخر كله رايح فى الصرف الصحى ..... طيب اقولك على سر بينى وبينك أنا فى مره دخلت وقفشت ابوكى متلبس مع معلقه سكر ....ولما قولتله ايه دا يابابا قالى يابنى حسيت انى جالى هبوط فجاه .... أنا بفكر انى اعد السكر سكره سكره عشان احنا بيضحك علينا وهما مدلعين نفسهم وبيشربو الشاى بسكر ويقلولنا احنا السكر مش صحى نادين وقد نفذ صبرها ....لا بقى أنت كده جبت اخرك معايا ..... وكادت أن تض*به ولكن هو اسرع بالجرى .... وهى خلفه ليستخبى خلف جميله يوسف برجاء .... ماما انقذينى من الوحش المفترس جميله .... يااابنى حرام عليك انت مش بتكبر انت عقلك وقف على سبع سنين ومش بيكبر ابدا نادين بخبث ....... وعلى فكره ياماما كان بيتريق على المكرونه بتاعتك لتنظر له جميله ...... المكرونه بتاعتى أنا ؟؟!!!!! يوسف وهو يمثل البراءه ..... أنا دى كدابه صدقينى ياماما دى هى اللى بتقولى انا جالى تلبك معوى بسبب المكرونه بتاعت امى .... وانا اقولها لا دى ماما احلى وحده بتعمل مكرونه من غير ملح نادين ...... شوفتى اهو بيقول انك بتعملى مكرونه من غير ملح جميله وهى تتض*ب يوسف ...... اقول ايه فى واحد جاهل مش بيفهم فى الاكل ..... بدال ماانت قاعد تتريق على المكرونه بتاعتى روح الشركه وساعد اختك فى الشغل ليقاطعها يوسف .... ودخلنا فى الاسطوانه بتاعت كل يوم ...ماما حبيبتى قولتلك مليون مره انا بشتغل شغل اهم جميله بتساول .... وايه هو انشاء الله يوسف بجديه .... بعلق بنات ....انتى عارفه أنا لغايه دلوقتى معلق كام بنت جميله بحصره .... جاتها نيله إللى عايزه خلفه يوسف:_ .... يالا أنا هاطير عشان شويه وهلاقى بابا جاء يدينى محاضره عن الأخلاق ليذهب يوسف ووتبعه نادين جميله ..... أنا مش قادره استوعب ازاى الفرق بينهم فى السن صغير بس الفرق فى التفكير والتصرفات كبير قوى .... يالا ربنا يهد*ك ياايوسف ويرزقك بى وحده تخليك تعقل .... بس تعقل ايه دا انت ابن مجنونه دا انت هاتجبلها الضغط وتموتها بدرى &&&&&&&&&&&&&&& نادين ..... هااا ياايوسف هتساعدنى ولا ايه يوسف بنفاذ صبر ... يااستى خلاص قولتلك هساعدك بطلى زن بقى شويه صدعتينى من الصبح نادين وهى ترفع حاجبيها بدهشه ... أنا برضو اللى صدعتك .... ماعلينا قولى هاتعمل ايه ؟؟؟؟!!! يوسف بتكبر .... هاطلع من البيت بى الشنطه وفى وجود بابا وماما كمان ( ياترا يوسف هايعمل ايه وهايطلع ازاى من البيت بى شنطه الهدوم ؟؟؟؟!!!!) انتظروا البارت القادم بقلم :- Enas Shenoua

Free reading for new users

Scan code to download app

App Store Google Play

Facebookexpand_more