البارت الثامن 💕

2086 Words

لتنجح نادين فى أن تخرج من منزل سيف بدون أن يراها احد .... ولكن هى لا تعلم أن هناك عيون تراقبها من بعيد ************************ ومن الجهه الاخرى فى شركه سيف ....كان يجلس سيف يفكر فى تلك الفتاه المجهوله يريد أن يحدثها يشعر انه فى حاجه لوجودها كما يشعر أيضا إنه فى حاجه لوجود نادين أيضا ....مما زاد حيرته أكثر فكيف هذا يشعر نفس الاحساس اتجاه الاثنين واما سلمى كانت تجلس على مكتبها فى توتر شديد = ياربى طيب اعمل ايه اقوله ولا لا ....بس اقوله ازاى وانا بخاف ادخل اديله القهوه ...والمصيبه الاكبر أنى باين عليه انى مزاجه مش رايق النهارده طيب أخبى ...بس انا خايفه تحصل حاجه ويلمونى انى ماقولتش اللى حصل ... وخايفه اقول يفتكرو انى بحقد على الناس اللى هنا ليقطع حديثها صوت مراد مراد :- سلمى مالك ؟؟؟!!! باين عليكى انك متوتر قوى سلمى بتوتر ..... أنا الصراحه ...الصراحه مراد بحده ..... اخلصى ياسلمى فيه ايه ؟؟؟!!!! سلمى بتلعثم .... الصراحه فيه حاجه حصلت النهارده الصبح وانا خايفه ادخل اقول لى سيف باشا ...عشان باين عليه أنه مش فايق وبيتخانق مع دبان وشه مراد :- قولى ياسلمى فيه ايه ؟؟!! سلمى :- انت اكيد عارف انى مش بكره حد فى الشركه وعمرى مااتهمت حد بااى حاجه غير وانا متاكده من اتهامى ليه ليشعر مراد بتوتر أكثر .... سلمى قولى فيه ايه علطول خضتينى سلمى :- الصراحه كده انا مش مرتاحه لى كمال اللى شغال فى الارشيف ...وحاسه انى هو مخبى حاجه والصراحة تصرفاته مش طبيعيه مراد بااستغراب .... كمال !!!! بس دا موظف غلبان وسيف شغله هنا عشان مرض مراته ومصاريف عياله وظروفه الصعبه سلمى :- وعشان كده انا متردده ومش راضيه اقول لى حد بس الصراحه اديله كام يوم كده بيعمل تصرفات غريبه وانا مش مرتحاله مراد بااستفهام ..... ليه عمل ايه؟!!!! سلمى :- اديله كام يوم كده بيجى على المكتب عندى ويفضل يسالنى اسئله غريبه عن الصفقه الجديد وعن استاذه نادين ... والنهارده دخلت لقيته قاعد فى المكتب بتاعى وتقريبا كان بيدور على حاجه .. واول لما شافنى اتوتر ...ولما سالته قالى انى فيه حاجه ضايعه منه وهو بيدور عليها فى الشركه كلها .... وانا الصراحه ماقتنعتش بى كلامه خالص لانى كان باين عليه أنه متوتر زياده ليقول مراد بعدم تصديق .... معقوله كمال ؟؟!!!! دا اخر واحد كنت اتوقع منه يعمل حاجه زى دى سلمى :- ربنا وحده يعلم انى فعلا مش بكرهو ولا قاصده اذيه بس هو تصرفاته غريبه مراد باامتنان.... شكرا خالص ياسلمى انك قولتيلى ...ومافيش داعى انك تقولى لى سيف أنا هاتصرف ليرن هاتف مراد ليقف مصدوم دون أن يتحدث شئ فهذه الصدمه الثانيه فى نفس اليوم ... ليتمنى من قلبه أن القدر يخلف ظنه ليدخل مراد مكتب سيف بوجه شاحب سيف لى مراد .... اكيد وصلك خبر انى نادين خرجت من البيت من غير ما حد يشوفها مرات عمى دورت عليها كتير بس مالقتهاش والحارس قال انها خرجت ...مش قولتلك دى عنيده ومش هتوافق أنها تقعد فى بيتى ليتحدث مراد وهو فى حاله من الصدمه .... بس انا وصلنى خبر اصعب من كده !!!!! سيف بذهول ..... خبر ايه ؟!!! اوعى يكون عادل عمل مصيبه تانى والله ساعتها مش هارحمه وهاروح اقتله فى نص مكتبه مراد بااختصار ... الموضوع مالهوش علاقه بى عادل ... الموضوع ليه علاقه بى نادين ليزداد فزع سيف .... نادين !!!! مالها نادين هى كويسه حصلها حاجه انطق يامراد ليقول مراد وهو مازال فى حاله من الصدمه ...... الحارس اللى بيحرس نادين لسه متصل بيا وبيقولى انى نادين حاليا فى شقه الدكتور صلاح ليقول سيف بعد تصديق ...... لالا مش معقوله اكيد الحارس دا شارب حاجه على الصبح .... ايه اللى هايخلى نادين تروح شقه صلاح ؟!!! واصلا هو مش هنا ...لالا مستحيل وهو اصلا مش هنا يبقى هاتروح تعمل ايه ليرن موبايل سيف سيف بحده .... فيه اى اخبار عن صلاح رجع بيته القديم ولا لسه الرجل :- لا يافندم بس استاذه نادين دخلت العماره اللى فيها شقه صلاح ... ولما مشيت وراها لقيت أنها رايحه على شقه الدكتور صلاح ليقول سيف بغضب .... طيب ازاى رايحه هناك واصلا مافيش حد هناك ...طيب انت شوفت حد فاتحلها الرجل :- لا يافندم هى كانت هاتشوفنى فاانا مشيت عشان ماتلاحظش حاجه كادت رأس سيف أن تنفجر من الحيره ليقول لذلك الرجل بااختصار ..... خليك بتراقب الشقه زى ماانت واى جديد قولى عليه ليقول مراد لى سيف .... صدقت بقى حتى الراجل بتاعك بياكد انى نادين فى شقه صلاح ليقول سيف وهو يضع يده على رأسه من الحيره ..... أنا هاتجننن يامراد ايه العلاقه بين نادين وصلاح مش معقوله تعرف صلاح لالا اكيد الموضوع فيه حاجه ليرد عليه مراد بنفس الحيره .... غريبه قوى ايه يخلى نادين تروح شقه الدكتور صلاح وتعرفه منين اصلا سيف بوجه خالى من التعبيرات ..... مراد معلش سيبنى لوحدى شويه ....واطلب من سلمى أنها تلغى كل مواعيد النهارده مراد بتساول ... . سيف انت كويس فيك حاجه ؟!!! ليرد سيف بااختصار :- أنا كويس يامراد ... بس انت حاول تعرف كل حاجه عن نادين وايه علاقتها بصلاح = أنا فعلا حاولت اعرف عنها كل حاجه بس اكتشفت انى محدش يعرف عنها حاجه وانى هى مش مستقره فى بيت معين وكل شهر بتنقل فى بيت جديد ....حتى الشركات بتاعتها معروفه بااسم شركات نادين وادهم ولما سالت مين ادهم عرفت أنه اخوها .... دى حتى عمرها ماعملت موتمر صحفى ورافضه أنها تظهر على التلفزيون .... ي**ت مراد قليلا لينتظر رد سيف لينظر الى سيف ليجد أنه فى عالم اخر ... فامعالم الحزن تظهر عليه بوضوح ... فامن الواضح أن نادين ليست مجرد عميله بالنسبه لى سيف . .... ليشعر مراد أن سيف فى حاجه أن يبقى بمفرده ليخرج مراد بهدوء دون أن يضيف اى كلمه ليقول سيف وهو يض*ب المكتب بيده .... طيب ازاى ؟!!!! ازاى نادين تعرف صلاح ... يعنى البنت الوحيده اللى قلبى دق ليها تتطلع ليها علاقه بصلاح ليزداد غضبه أكثر وهو يض*ب على المكتب ويقول .... تتطلع ليها علاقه باشخص اللى قتل أهلى واللى حرمنى منهم طول العمر ... طيب ازاى لالا مستحيل نادين بريئه ومستحيل تكون تعرف واحد حقير زى صلاح ....لالا مستحيل أنا لازم اعرف ايه العلاقه اللى بينهم &&&&&&&&&&&&&&& نادين لى يوسف ..... واحشتنى قوى يامصيبه = مصيبه ايه ماخلاص بقى ....دا انتى اللى بقيتى مصيبه دلوقتى لتلمع عيون نادين بدموع وهى تقول .... يوسف هو بابا عامل ايه ؟؟ لسه زعلان منى ؟؟؟وماما عامله ايه ؟؟؟ يوسف وهو يحاول أن يطمنها ..... لا خالص بابا مش زعلان منك هو بس قلقان عليكى مش اكتر ... ليبتسم يوسف وهو يقول ... وبالنسبه لى ماما فاهى عامله مكرونه كالعاده لتبتسم نادين بحزن وهى تقول ....... حتى دى كمان واحشتنى = اتنيلى واحشتك ايه لما أنا مصدقت هربت من البيت بسبب المكرونه بتاعت امك .... بس قوليلى انتى كنتى قاعده فين لترتبك نادين من سواله لتجيبه .... قاعده عند ساره يوسف بذهول .... ساره ؟؟!!! اللى كانت حبيبه ادهم = ماتنساش يايوسف قبل ماتكون حبيبه ادهم فهى صديقه عمرى .... وبعدين هى مش كانت حبيبه ادهم هى مازالت حبيبه ادهم ************************* أما فى منزل سيف ... يدخل مراد بمفرده لتندهش منال = اومال فين سيف مراد بااختصار ..... سيف هايتاخر النهارده ياماما منال بخوف ....خير هيتاخر ليه ؟؟؟ ليقول مراد بحزن وشفقه على حاله سيف. .... كل حاجه النهارده كانت بتفكره بى أبوه وأمه ... عشان كده هو مخنوق وانتى عارفه سيف لما بيتخنق بيروح فين منال بتفهم .... عارفه ياابنى بس انت ازاى تسمحله انى يروح يزورهم فى المقابر فى وقت زى دا مراد :- ماانتى عارفه ياماما انى دا المكان الوحيد اللى سيف بيرتاح فيه ومهما مانعته انتى عارفه أنه عنيد وهايعمل إللى فى دماغه ومش هايسمع منى منال بجديه ..... مراد أنا كنت عايزه اكلمك فى موضوع مهم مراد بتركيز .... موضوع ايه ياماما اتكلمى =الصراحه كده انت بتزودها مع بنت عمك يعنى الفتره الاخيره ملاحظه انك بقيت بتعاملها وحش قوى انت ماكنتش كده ليحاول مراد أن يخفى ضحكته ليقول وهو يمثل الجديه ..... ولا اتغيرت ولا حاجه بس هو شويه ضغط مش اكتر .... بس قوليلى عريس نسمه هايجى امتى ؟؟؟؟ منال بصدمه فهى لم تصدق أن مراد سيتحدث عن عريس نسمه ...لتقول من بين صدمتها .... عريس ايه ؟؟!!! ليرد مراد بوجهه خالى من التعبيرات .... ايه ماما فيه ايه عريس نسمه اللى متقدم هايجى امتى عشان نتكلم فى التفاصيل لتقول منال بذهول ...... انت بتتكلم بجد ؟؟!!! يعنى انت موافق ؟؟!!! ليقول مراد وهو يحاول أن يكتم ابتسامته .... طبعا موافق ... مدام شخص محترم وسيف نفسه موافق ونسمه موافقه أنا أرفض ليه منال بحزن .... ترفض ليه ؟؟؟!!! ترفض عشان المفروض انك بتحبها ليضحك مراد وهو يقول .... بحب نسمه ؟؟!!! لالا مستحيل ياماما نسمه دى اختى مش اكتر لترد عليه منال بعصبيه ..... اومال ايه نظرات الحب اللى فى عيونك دى؟؟!!!! وليه دايما خايف عليها ليجيبها مراد بدبلوماسيه ..... طبيعى ياماما اخاف عليها ماانا بقولك اختى ... وبعدين ياماما اصلا أنا معجب بوحده وقررت انى هاتجوزها قريب منال بعصبيه كادت أن تض*به من فرط عصبيتها وهى تقول .... نعم ياروح امك ...مراد اسمعنى أنا لغايه دلوقتى عمرى مازعلت منك ولا عاقبتك على اى حاجه غلط كنت بتعملها بس لغايه هنا لا ... وخليك فاكر كويس أنا مش هوافق انى وحده غير نسمه تكون مرات ابنى ولا لو انت م**م يبقى انت ولا ابنى ولا اعرفك وخدها وعيش انت وهى برا واعتبر انى ماعندكش ام ..... نسمه اتجرحت كتير مش كفايه اتحرمت من أهلها أنا مش هاسمحلك انك تجرحها ليندهش مراد من رددت فعلها فهو لم يظن أن أمه تعشق نسمه بهذه الطريقه ... ليحاول أن يخفى فرحته ...وهو يقول .. طيب أنا عايز اتعشى دلوقتى منال بحده .... بعد كل الكلام اللى قولته دا ولسه عايز تتعشى .... أمشى يااد من قدامى مافيش اكل ابقى لما تعقل وتفوق لنفسك ابقى تأكل براحتك ...لتذهب منال بغضب لم يستطيع مراد كتم ضحكاته أكثر ... ليضحك بصوت عالى ليذهب مراد إلى غرفته ...كاد أن يغمض عيونه حتى سمع صوت دقات الباب ليفتح الباب ليجد امامه طفلته ولكن هذه المره لم يستطيع أن يقول عليها طفله فاجمالها جمال امراه ناضجه ...فهذه أول مره يراها بهذا الجمال كله ليفيق على صوت نسمه وهى تقول .... لقيت الاكل زى ماهو فاعرفت انك مااكلتش حاجه ليقول مراد وهو يمثل الحزن .... كله بسببك نسمه بااستغراب .... بسببى أنا ليه ؟؟؟!!! = مرات عمك يااستى لما قولتلها انى مش بحبك وانى عايز اتجوز .وحده غيرك. .... زعلت وقالتلى مافيش اكل لا وكمان قالتلى انت ولا ابنى ولا اعرفك طلعت بتحبك اكتر منى ...يبقى دا كله بسببك ولا لا لتقول نسمه باابتسامه .... تستاهل اصلا لو دا حقيقى كنت أنا ومرات عمى وسيف موتناك ليقول مراد وهو يمثل الجديه ..... بس انا الصراحه مش هاقدر اتجوزك لتقف نسمه بذهول دون أن تجيبه بشئ مراد باابتسامه .... عشان لو اتجوزنا وفكرت مجرد تفكير انى ازعلك اللى فى البيت دول هايعملو منى احلى كفته وبخصوصا امى دى هاتقطعنى زى مابتقطع الملوخيه .... لما من دلوقتى وقالتلى أنى مش ابنها اومال لما ازعلك بقى هاتعمل ايه هاترمينى على باب جامع .... لالا ياعم أنا اخاف لتض*به نسمه بخفه وهى تقول .... انت غلس على فكره خضيتنى .... وبعدين اصلا انت لو فكرت تزعلنى أنا مش محتاجه انى اقول لى حد أنا هاعرف اخد حقى ولا نسيت أنا معايا حزام اسود ليرد عليها مراد بمزح .... طيب ماانا عندى حزام اسود بتاع البنطلون عادى يعنى = ياخفه .... تقريبا العيشه برا علمتك تقل الدم ليمسكها من يديها وهو يقربها إليه أكثر = بقى أنا دمى تقيل لترتبك نسمه وتشعر بالخجل ...لتحاول أن تبتعد عنه ولكن مراد يقربها إليه أكثر نسمه بخجل .... مراد اوعى سيبنى ليغمز لها مراد وهو يقول. ... مش برضو أنا دمى تقيل لترد نسمه باارتباك .... لالا مين قال كده ... ويالا بقى روح اتعشى عشان الأكل هايبرد ليشعر مراد بخجلها فايتركها ويبتعد عنها وهو يبتسم ولم تكمل دقيقه حتى هربت نسمه من أمامه كالطفله ليضحك مراد بصوت يهز المكان وهو يقول ..... واللهى أنا بحب وحده هبله وطفله ********************** ليصل سيف أخيرا إلى المنزل ليذهب إلى غرفته .... ليشعر أنه فى حاجه لى دش بارد لعل تهدى العاصفه التى بداخله .... ليأخذ دشه ويستلقى على الفراش .... وبداخله العديد من الاسئله ...ليتمنى من قلبه ان نادين لا يكون لها علاقه بصلاح ليشعر أنه فى حاجه لمحادثه تلك المجهوله ... نعم فهى مجهوله ولكن بالنسبه له كأنه يعرفها من سنين ليتفاجى وهو يراها تكتب له ...فمن الواضح أن هما الاثنين فى حاجه لبعض لتصل رسالتها له = أنا مبسوطه قوى النهارده مش عارفه ليه بس دى اول مره فى حياتى ابقى مطمنه حاسه باامان عمرى ماحسيت بيه قبل كده ليرد عليها سيف بوجع .... وانا فى كابوس بتمنى اخلص منه لينقبض قلب نادين عندما شعرت بحزنه نادين بتساول ..... ليه فيه ايه مالك ؟؟؟؟ = خايف !!! خايف من القدر أنه يحطنى فى موقف صعب ...خايف اتجبر انى اختار بين حاجتين اغلى واصعب من بعض لتحاول نادين أن تخفف عنه دون الدخول فى تفاصيل ( ياترا سيف هايعمل ايه لما يعرف انى نادين تبقى بنت صلاح ؟؟؟؟ وياترا هايعرف انى البنت اللى بيكلمها دى تبقى نادين ولا لا ؟؟؟؟؟) انتظرو البارت القادم بقلم :- Enas Shenoua

Free reading for new users

Scan code to download app

App Store Google Play

Facebookexpand_more