البارت السابع 💕

2155 Words

ليسالها مراد وكأنه لم يعرف سبب حزنها ... وبتبكى ليه دلوقتى مش دا اللى كنتى عايزه انى اوافق على الجوزاه .... وادينى وافقت زعلانه ليه بقى ؟؟؟!! لتنظر له نسمه بحزن وعتاب وخيبه امل وهى تقول... انت شايف كده ياابن عمى حاضر يامراد لو هو دا اللى هايريحك هاتجوز فى أقرب وقت عشان ترتاح منى كادت أن تذهب ولكن يد مراد مانعتها وهو يقول = انتى راحتى يانسمه ليدق قلب نسمه لا تصدق اذنيها لتتمنى من قلبها أن تكون ماسمعته صحيح نسمه بفرحه .... انت قولت ايه ؟؟!! مراد بحب .... اللى سمعتيه صح يانسمه انتى راحتى يانسمه هو انتى فعلا متخيله انى ممكن اسيبك لحد غيرى دا انا كنت موته وموتك لتنزل دموع نسمه وهى تقول .... امال ليه قولتلى انك وافقت على الجوازه ليقول لها وهو يمسح لها دموعها .... عشان سمعتك لما كنتى بتتفقى عليا انتى وامى وعرفت انى دا كله خطه ... تعرفى لو كان حقيقه كنت **رت عضمك وعضمه وكان هايبقى يومك اسود لم تستطيع نسمه تحمل كل هذا الفرح فاااها حلم حياتها يتحقق .... لتعانقه بقوه ليعانقها هو ايضا بقوه ليتمنى أن يخبيها بين ضلوعه نعم فهى طفلته وعشقه وحب حياته مراد بحب وعشق .... انت ليا انا وبس يانسمه فاهمه انتى طفلتى أنا انتى بتاعتى أنا من يوم مااتولدتى انتى بنتى الدلوعه ..... دا اللى يفكر يبصلك بس هايكون اخر يوم فى عمره تخيلى بقى لو حد اتجرا يجى يتقدملك كنت هاخليه يتمنى الموت ومش هايلاقيه لتنزل دموع نسمه بغزاره من كثره الفرح فهى لم تتخيل ابدا أنها ستسمع منه هذا الكلام فى يوم مراد وهو يبعدها عنه قليلا ليمسح لها دموعها وهو يقول باابتسامه .... هو ايه البنات دى كائنات غريبه تفرح تعيط تزعل تعيط تجوع تعيط تشبع تعيط تتخن تعيط تخس تعيط قوليلى حاله وحده بس البنات مش بتعيط فيها .... أنا مش عارف الصراحه انتو بتجيبو الدموع دى منين دا انتو عندكم خزين نسمه بطفوله .... كويس على القليله بنحس مش عاملين زى الحجاره زيكم لا وكمان متكبرين قوى .... الواحده تبقى قدامكم 20 سنه وماتعبروهاش واول لما تبعد يبان حبكم مراد بااسف ... أنا اسف ياعمرى بس صدقينى أنا نفسى ماكنتش فاهم انى بحبك كل اللى كنت فاهمه انى ماقدرش استغنى عنك وانك طفلتى بس لما عرفت انك ممكن تروحى من بين أيدى اتجننت ماقدرتش أتخيل الفكره اصلا نسمه باابتسامه .... يا بركاتك يامرات عمى لما مرات عمى كنت هافضل احب فيك لغايه ما اموت وانت ولا هنا مراد :- هو أنا لازم اشكرها على الإحساس اللى حاسه دلوقتى والسعاده اللى أنا فيها ... بس لازم تتعاقب على الغيره اللى عيشتنى فيها دى خلتنى كنت هارتكب جريمه نسمه بتزمر ..... لا طبعا مرات عمى حبيبتى مش هاخليك تعاقبها وبعدين اصلا انت تستاهل كل اللى حصل ليغمز لها مراد وهو يقول .... بزمتك أنا استاهل نسمه :- مش قوى يعنى مراد :- بصى يااستى احنا هانعمل فيها مقلب صغير بس ...هانفهمها انى خطتها عملت مفعول ع**ى يعنى بدال مااقرب منك بعدت عنك وخ**تك ... وكمان هافهمها انى عايز اتجوز نسمه بتردد ..... هو الصراحه هاموت وأشوف رددت فعلها بس خايفه تقتلنى بعد ماتعرف مراد :-بعد الشر عليكى ياطفلتى *************************** لتفيق نادين اخيرا لتفتح عينها ببطئ لترى نفسها فى غرفه كبيره وفخمه ...لتحاول كثيرا أن تسترجع ذاكرتها لتتذاكر ماحدث لها ...ليدق الخوف والرعب بداخلها لتتدخل فى تلك اللحظه منال وهى فى يديها صنيه الاكل منال :- انتى صحيتى طيب كويس عشان أنا جايبالك شويه اكل هتاكلى صوابعك وراهم لتقول نادين بوجه شاحب ...... انتى مين ؟؟؟؟ وانا فين ؟؟!!!! منال :- أنا منال مرات عم سيف وانتى هنا فى بيت سيف الشرقاوى .... يعنى اطمنى انتى فى امان مافيش حد يقدر يااذيكى طول ماانتى هنا ويالا بقى الأكل هايبرد نادين :- شكرا بس انا مش جعانه منال بااصرار .... لا لازم تاكل كويس انتى مش شايفه شكلك عامل ازاى نادين :- بس انا مش بحب الشربه ومستحيل انى اشرب شربه لياتى صوت من الخلف ..... سبيها العنيده مش هاينفع معاها غير حد عنيد زيها منال :- سيف كويس انك جيت مش عايزه تاكل وقال ايه مش بتحب الشربه سيف باابتسامه ... غظب عنها يامرات عمى اصلى ماجربتش الشربه بتاعتك لو جربتها هاتتدمنها منال باابتسامه ... يابكاش ... طيب تعالى انت عنيد زيها وهاتعرفو تتعاملو مع بعض ...وانا رايحه ارن اطمن على عمك عا** من وقت ماسافر وانا مش بقدر اتكلم معاه خمس دقايق على بعض ليغمز لها سيف .... الحب بقى منال باابتسامه .... اتلم يااد يالا ماتسبهاش غير لما تخلص الأكل .....لتذهب بعدها منال نادين لى سيف بااستغراب ...... غريبه !!!!!!! سيف :- ايه هى اللى غريبه ؟!!! نادين :- تصرفاتك غريبه قوى يعنى انت معروف عنك انك شخص صارم قوى بس انت فى البيت بتهزر وتتضحك عادى سيف :- طيب ماانتى قدام كل الناس انتى اقوى امراه فى العالم بس فى الواقع انتى طفله قوى وبريئه لتندهش نادين من كلامه ...فهذه أول مره ترى شخص يرى مابداخلها بوضوح سيف باامر .... يالا بقى مش هانقضيها كلام انتى لازم تخلصى الشربه دى كلها نادين بتزمر طفولى .... بس انا مش بحب الشوربه ومستحيل اشربها ... دى المكرونه بتاعت ماما اهون عندى من انى اشرب شوربه سيف :- ماهو انتى مش جايه تحققى احلامك هنا عشان تحبى وماتحبيش ماهو مش بمزاجك نادين بعصبيه ... يعنى ايه هاتاكلنى غظب عنى مثلا سيف بتأكيد .... اكيد طبعا هتاكلى غظب عنك نادين بتحدى .... ودا ازاى يعنى .... طيب مش هاشرب حاجه وورينى هاتعمل ايه سيف بخبث .... شوفى انتى بقى أنا ممكن اعمل ايه. !!! يعنى انتى فى بيتى وفى اوضتى وعلى سريرى ...وصاحيه زى القمر فاانا من رأى انك تشربى الشوربه احسن لم يكمل جملته حتى شربت نادين الشوربه بسرعه وخوف من حديثه ليبتسم لها سيف على حركاتها الطفوليه وهو يقول بداخله ..... من انتى ايتها الحوريه؟؟!!!!! كيف لكى أن تكونى بهذه القوه والضعف فى وقت واحد ؟!!!! كيف تفكرين بعقل امراه ناضجه ولكن بداخلك طفله لم تنضج بعد لتقول نادين وهى تحاول الهروب منه .... أنا خلصت الأكل عن اذنك بقى أنا عايزه امشى ليرد عليها سيف ... ياستى أهدى هو أنا خاطفك ...مافيش خروج غير لما اعرف مين اللى عمل العمله السوده دى ليقطع حديثهم صوت مراد مراد :- بس انا عرفت مين اللى عمل كده سيف بلهفه .... مين؟؟؟؟؟؟؟ مراد :- عادل نادين بدهشه ....مين عادل دا ؟؟؟؟ انا ماعرفش حد بألاسم دا مراد :- عادل دا منافس لينا فى السوق وفى الفتره الاخيره قدر يخلينا نخسر كل الصفقات وهو السبب فى انى الشركه بتمر ب*روف صعبه نادين بااستغراب ....طيب دا منافس ليكم انتو عمل معايا أنا كده ليه مراد بااختصار ... عشان شركه كبيره زى شركتكم لو مضت معانا العقد وبقينا شركاء دا هايخلينا اقوى ناس فى السوق ...فاعادل بيحاول يخ*فك عشان يمنعك انك تمضى العقد معانا سيف بغضب .... هى وصلت بيه لدرجه دى وحياه امه مش هارحمه مراد :- الأهم من دا كله ياسيف انك تعرف مين اللى بيوصله المعلومات دى لانى محدش خالص يعرف موضوع الصفقه دى غير أنا وأنت والموظفين ومنبهين على كل المواظفين انى الموضوع دا سر معنى كده انى فيه حد خائن فى الشركه وبيوصله المعلومات سيف :- هايروح منى فين مسيرى اعرفه واعلمه الادب ليوجه سيف كلامه لى نادين ..... نادين لو عايزه تلغى العقد أنا موافق عشان عادل مش هايسيبك فى حالك نادين بغرور .... مش نادين إللى تاخد خطوه وترجع فيها تانى ... أنا مش بخاف ولا من عادل دا ولا من مليون واحد زيه أنا قابلت فى حياتى ناس زباله كتير وبعرف اتعامل معاهم كويس مراد :-صدقينى مش ازبل من عادل ... دا غدار نادين بثقه ..... ماتخافش أنا كديها ليبتسم لها مراد على شجاعتها = وانا وسيف معاكى واكيد مش هانسيبك ومتخافيش طول مااحنا موجودين مش هايقدر يعملك حاجه ليخرج كلا من مراد وسيف لكى يذهبون إلى الشركه سيف :- مراد نادين عنيده ومش هتوافق أنها تفضل هنا عشان كده كلف ناس بحراستها يكونو معاها خطوه بخطوه بس من غير ماهى تاخد بالها مراد بااستغراب .... سيف مش ملاحظ انك كنت خايف على نادين زياده ليرتبك سيف لااول مره ... خايف لا طبعا بس الفكره انى لو نادين حصلها حاجه اكيد الصفقه هاتبوظ والشركه هاتفلس عشان كده كنت خايف عليها مش اكتر مراد :- الشركه هاتفلس طول ماانت بتتدور على الانتقام ...انا عرفت انك باعت ناس تراقب بيته اللى هنا وكمان بتبحث عنه فى كل مكان لتتحول ملامح سيف فى لاحظه = الموضوع دا منتهى يامراد ولو هى دى خطط عمى أنه يخليك ترجع ويسافر هو عشان انت تيجى وتقنعنى انى أتنازل عن اللى فى دماغى ... فااحب اقولكم ريحو نفسكم ومحدش منكم يحاول معايا ... الوجع اللى أنا شوفته أنا ونسمه لازم يشوف زيه واكتر ليرد عليه مراد بعصبيه ..... فوق بقى ياسيف هو انتقام وخلاص دا مش عدو لينا الراجل كان بيساعدنا ...وابوك كان تعبان من الاول وهو ماكنش متابع معاه ومايعرفش ايه اللى عنده وهو طول الوقت كان بيحاول انى ينقذه والغلطه دى بتاعتنا احنا كان لازم نفهمه حاله المريض من الاول سيف بعصبيه .... بيحاول ينقذه !!!!! يقوم يقتله !!! كان فى أيده يشوف التقرير ويعرف حالته مراد وهو يحاول اقناع سيف .... سيف افهمنى حاله ابوك كانت صعبه قوى وكان بيموت وماكنش فيه وقت يسأل عن حاجه ... هو كان بيحاول ينقذه وهو لو ماحولش ينقذه ابوك كان هايموت برضو لانى حالته كانت صعبه وقتها .... قولى ساعتها كنت هاتنتقم من مين ؟؟!!! كنت هاتنتقم من ربنا ؟؟؟!!! دا قضاء وقدر ربنا عايز كده وبعدين ياسيف لو هو فعلا قاصد ماكنش هايطلع يقولنا اللى حصل وكان هايقولنا أنه مات عادى موته طبيعيه زى ما باقى الدكاتره بتعمل هو ليه يلبس نفسه جريمه ...بس هو راجل كويس عشان كده طلع وقلنا على الحقيقه كلها سيف بحزن .... بس هو كان يقدر ينقذه لو ركز شويه كان هايقدر ينقذه ...وماكنتش امى ماتت من حزنها وماكنتش هاحس بالوجع اللى أنا حاسس بيه دلوقتى وماكنتش هاسمع صوت نسمه وهى بتبكى وتصرخ وتقولى فين بابا وانا واقف عاجز ومش عارف ارد عليها .... هو كان يقدر ينقذه وينقذنى أنا كمان من الوجع إللى أنا فيه لينتهى الحديث بهم إلى هنا ليذهب معا على الشركه ************************ ظلت نادين على وضعها كما هى .... تفكر فيما حدث ... لتتذكر كيف أنقذها لتتذكر خوفه الشديد عليها ..... ليدق قلبها سريعا وتشعر بالخجل عندما تذكرت كيف عانقته ... لتوبخ نفسها بشده .... أنا غ*يه ازاى عملت كده ياترا بيقول عليا ايه دلوقتى ايه الغباء اللى أنا فيه دا اكيد هو عارف انى كنت خايفه وماكنتش فى وعى اكيد هو مقدر دا ومش هايقول عليا حاجه لتبتسم نادين وهى تقول .... بس الصراحه اول مره احس بالامان فى حياتى ... حسيت بحنيه وحب عمرى ماحسيت بيهم قبل كده ... ياريت لو كانت الدنيا وقفت عن اللحظه دى لتفيق أخيرا لتوبخ نفسها بشده ... ايه الكلام اللى انت بتقوله دا يانادين لالا فوقى أنا وسيف لا لا دا مستحيل .... الوضع بقى خطر كده وانا مش هينفع اكون ضعيفه بشكل دا فلازم احاول اتجنبه على قد مااقدر ..... بس اتجنبه ازاى وانا قاعده فى بيته ليقطع حديثه صوت رنين الهاتف نادين بلهفه .... يوسف واحشتنى قوى يوسف .... فينك يامصيبه نادين بااستغراب ... فين ايه انا فى مصر يااهبل ولا نسيت يوسف بنفس طريقتها .... ماانا فى مصر ياهبله نادين بصدمه ... نعم !!!!! فى مصر ازاى يعنى ؟؟؟!!!!! يوسف بغرور .... ليه يابابا هو انت فاهمه انك الذكيه الوحيده ولا ايه نسيتى ولا ايه العبد لله غلب نيوتن نادين باابتسامه ... وغلبت نيوتن ازاى انشاء الله يافرعون زمانك = نيوتن عرف سر الجاذبيه أما انا عرفت ازاى اجذب بنات العالم يبقى غلبت نيوتن ولا لا نادين :- وهو نيوتن يجى جنبك حاجه بس قولى ازاى بابا سمحلك تيجى مصر ؟؟؟!!! ليرد يوسف بكبرياء ..... عيب عليكى ياقلبى دا انا يوسف مش اى حد يعنى ملك الدراما والاكشن والرومانسيه أنا فنان شامل يابنتى نادين وهى تتضحك .... واللهى واحشتنى قوى يارخم كنت محتاجه انك تكون معايا جدا بس قولى ياوش المصايب عملت ايه يوسف :- عملت نفسى الاخ الكويس اللى خايف على أخته واقنعتهم انى أنا سوبر مان إللى هايجى ينقذك وياخدك ويطير لتضحك نادين بصوت عالى وهى تقول ..... بس الحقيقه انت جاى عشان تشوف مديحه شوايا يوسف وهو يمثل الحزن .... لا ما خلاص الله يرحمها نادين بفزع ...ايه ماتت ؟؟!!!!! يوسف :- لا اعتزلت الانحراف لتبتسم نادين وهى تقول ..... طيب وانت عملت ايه ؟؟ = لا أنا لسه م***ف عادى زى ماانا نادين وهى تحاول أن تستفزه .... م***ف ولا شبه م***ف يوسف بق*ف .... ياخفه .... يخرب بيت دمك لا والمصيبه انك مقتنعه انى دمك خفيف ... يابت دا انتى دمك عامل زى دم الصرصور الميت نادين بااستغراب .... وايه علاقه الصرصور ؟؟!!! ماعلينا قولى انت فين دلوقتى يوسف :- فى الشقه بتاعتنا نادين بصدمه ... ودخلت ازاى ؟؟؟!!!! = ماانا سرقت المفاتيح من ابوكى نادين :- يخرب بيتك هو انت مافيش عندك حاجه مستحيله ابدا ... دا انت مستعد تقتل البيت كله عادى بس اهم حاجه اللى. فى دماغك تعمله = يااختى اتنيلى اومال زيك عايشها دراما فى دراما نادين بتذمر طفولى . .... أنا مااشى ياايوسف يوسف بتساول .... طيب انتى فين دلوقتى لترتبك نادين فابتاكيد لن تقول له أنها فى منزل رجل غريب = أنا عشر دقايق وهاكون عندك يوسف :- مااشى ادين قاعد بعا** بنات الجيران لغايه ماتيجى = واللهى انت شكلك هاتحبسنا قريب لتنجح نادين فى أن تخرج من منزل سيف بدون أن يراها احد .... ولكن هى لا تعلم أن هناك عيون تراقبها من بعيد ( ياترا مين اللى بيراقب نادين ؟؟؟؟ وياترا عادل هايعمل ايه مع نادين ؟؟؟؟ ) انتظرو البارت القادم بقلم :- Enas Shenoua

Free reading for new users

Scan code to download app

App Store Google Play

Facebookexpand_more