Alas kwatro palang ay gising na si Oliver kaya't naisip niyang siya nalang ang magluto ng kanilang almusal. Kinuha niya ang kanyang laptop dahil may kailangan siyang gawin. Pagbaba niya ay sinindi niya ang ilaw 'saka niya isinuot ang salamin niya na isinabit niya sa kanyang sando.
Pagkarating niya sa kusina ay binuksan niya ang ilaw at laking gulat niya nang makita niya si Erica na nasa tapat ng ref, at nakatulala lang ito habang may hawak-hawak ang cereal at gatas.
"Jusko naman Oliver! Papatayin mo ako sa gulat!" sigaw nito 'saka niya inilapag ang cereal at gatas sa lamesa. Nakahanda narin sa mesa ang isang mangkok kaya umupo na ito.
Inilapag din ni Oliver ang laptop niya sa mesa "Bat ang aga mo nagising?" tanong nito habang kunot noo.
"Nagutom ako" sagot niya sabay kain "Ikaw? aga mo
